បរទេស៖ កិច្ចខិតខំប្រឹងប្រែងជួយសង្គ្រោះបានបន្តនៅថ្ងៃចន្ទនេះ ដើម្បីរកមនុស្សបីនាក់ ដែលជាប់ដោយការបាក់រលំនៃផ្នែករបស់ផ្លូវរូងក្រោមដីដែលកំពុងត្រូវបានសាងសង់សម្រាប់ផ្លូវរថភ្លើងល្បឿនលឿនថ្មី នៅក្នុងខេត្តភាគឦសានប្រទេសថៃ។
យោងតាមសារព័ត៌មាន បាងកក ប៉ុស្តិ៍ ចេញផ្សាយនៅថ្ងៃទី២៦ ខែសីហា ឆ្នាំ២០២៤ បានឱ្យដឹងថា ម៉ាស៊ីនស្កែនរកឃើញអ្វីដែលហាក់ដូចជាកំដៅរាងកាយ និងចង្វាក់បេះដូងពីមនុស្សដែលបាត់ខ្លួននៅម៉ោងប្រហែល ៤ ទៀបភ្លឺនៅព្រឹកថ្ងៃចន្ទ ដោយបង្កើនក្តីសង្ឃឹមសម្រាប់ការរស់រានមានជីវិតរបស់ពួកគេ។
ផ្លូវរូងក្រោមដីប្រវែង៨គីឡូម៉ែត្របានបាក់រលំកាលពីយប់ថ្ងៃសៅរ៍ប្រហែល ៤គីឡូម៉ែត្រពីច្រកចូលក្នុងឃុំច័ន្ទធឿកនៃស្រុក Pak Chong ។
ក្រុមអ្នកជួយសង្គ្រោះកំពុងប្រើម៉ាស៊ីនចូកដី ដើម្បីយកដី និងថ្មចេញដោយប្រុងប្រយ័ត្ន ដើម្បីទៅដល់កម្មករដែលជាប់ក្នុងនោះរួមមាន អ្នកគ្រប់គ្រងសំណង់ជនជាតិចិន ប្រតិបត្តិករបើកត្រាក់ទ័រជនជាតិចិន និងអ្នកបើកបរឡានដឹកទំនិញមីយ៉ាន់ម៉ា។ ការធ្លាក់ពីដី និងថ្មថ្មីៗកំពុងរារាំងការខិតខំប្រឹងប្រែងរបស់ពួកគេ។
ផ្លូវរូងក្រោមដីនេះគឺជាផ្នែកមួយនៃផ្លូវរថភ្លើងល្បឿនលឿនចិន-ថៃ ដែលកំពុងត្រូវបានសាងសង់រវាងទីក្រុងបាងកក និងខេត្តណងខៃ ដែលមានព្រំប្រទល់ជាប់ប្រទេសឡាវ។
លោក Krichanon Aiyapanya អ្នកនាំពាក្យក្រសួងដឹកជញ្ជូនថៃ បាននិយាយនៅថ្ងៃចន្ទថា ផ្នែកនៃបំពង់ជួយសង្គ្រោះនឹងត្រូវបានរុញបន្តិចម្តង ៗ ឆ្លងកាត់ផ្នែកដែលត្រូវបានរារាំង នៃផ្លូវរូងក្រោមដីនៅពេលដែលវាត្រូវបានបើក។ គេសង្ឃឹមថា អ្នកដែលជាប់នៅទីនោះអាច ត្រូវបានជម្លៀសចេញ តាមរយៈបំពង់សង្គ្រោះនោះ៕
ប្រែសម្រួលៈ ណៃ តុលា
