បរទេស៖ ក្រសួងការពារជាតិជប៉ុនបាននិយាយថា ប្រទេសជប៉ុនបានបញ្ចេញយន្តហោះចម្បាំងកាលពីថ្ងៃចន្ទ បន្ទាប់ពីយន្តហោះយោធាចិន “បានបំពាន” ដែនអាកាសជប៉ុន។
យោងតាមសារព័ត៌មាន VOA ចេញផ្សាយនៅថ្ងៃទី២៦ ខែសីហា ឆ្នាំ២០២៤ បានឱ្យដឹងថា ក្រសួងការពារជាតិជប៉ុនបាននិយាយនៅក្នុងសេចក្តីថ្លែងការណ៍មួយថា យន្តហោះរបស់ចិន “ត្រូវបានបញ្ជាក់ថាបានរំលោភលើដែនអាកាសដែនអាកាសចេញពីកោះ Danjo ក្នុងខេត្ត Nagasaki” ដោយបន្ថែមថា ខ្លួនបានចាប់ផ្តើមបញ្ចេញ “យន្តហោះចម្បាំងជាបន្ទាន់” ។
ក្រសួងបានបន្ថែមថា យន្តហោះ “Y-9 Intelligence-gathering” របស់ចិនបានចូលដែនអាកាសជប៉ុននៅម៉ោង ១១៖ ២៩នាទី ព្រឹក (0229 GMT) ប្រហែលពីរនាទី។ មិនមានការអត្ថាធិប្បាយពីអាជ្ញាធរចិនទេ។
ប្រព័ន្ធផ្សព្វផ្សាយក្នុងស្រុក រួមទាំងទូរទស្សន៍រដ្ឋ NHK បានផ្សាយថា ឧបទ្ទវហេតុនេះបានកត់សម្គាល់ការលុកលុយលើកដំបូងដោយយន្តហោះរបស់យោធាចិនចូលទៅក្នុងដែនអាកាសរបស់ប្រទេសជប៉ុន។
ក្រសួងបាននិយាយថា ជំហានត្រូវបានធ្វើឡើងដោយ SDF ដូចជា “ការចេញការព្រមាន” ដល់យន្តហោះ ប៉ុន្តែ NHK បានរាយការណ៍ថា គ្មានបាញ់អាវុធដូចជា បាញ់ភ្លើង ត្រូវបានប្រើជាការជូនដំណឹងឡើយ។
ក្រសួងការបរទេសបាននិយាយនៅក្នុងសេចក្តីថ្លែងការណ៍មួយថា ជាការឆ្លើយតបទៅនឹងឧប្បត្តិហេតុនេះ អនុរដ្ឋមន្ត្រីក្រសួងការបរទេស Masataka Okano បានកោះហៅឯកអគ្គរដ្ឋទូតស្តីទីរបស់ប្រទេសចិនប្រចាំនៅប្រទេសជប៉ុនកាលពីល្ងាចថ្ងៃចន្ទ ហើយបានធ្វើការតវ៉ាយ៉ាងម៉ឺងម៉ាត់ជាមួយមន្ត្រី ក៏ដូចជាការអំពាវនាវឱ្យមានវិធានការប្រឆាំងនឹងការកើតឡើងឧប្បតិហេតុបែបនេះម្តងទៀត៕
ប្រែសម្រួលៈ ណៃ តុលា
