បរទេស៖ ប្រធានគោលនយោបាយ ការបរទេសរបស់ប្លុកអឺរ៉ុប លោក Josep Borrell បាននិយាយថា អឺរ៉ុប គឺមិនអាចផ្តល់ភ្លើងខៀវ ដល់អ៊ុយក្រែន ក្នុងការប្រើប្រាស់អាវុធដែលផ្តល់ ដោយរដ្ឋជាសមាជិក សម្រាប់ការវាយប្រហារចូលជ្រៅ លើប្រទេសរុស្ស៊ីនោះទេ ដោយសារតែរដ្ឋាភិបាលជាតិ ចង់ធ្វើការសម្រេចចិត្តដោយឡែកពីគ្នា។
យោងតាមសារព័ត៌មាន RT ចេញផ្សាយនៅថ្ងៃទី៣០ ខែសីហា ឆ្នាំ២០២៤ បានឱ្យដឹងថា ទីក្រុងគៀវបានអះអាងថា អសមត្ថភាពរបស់ខ្លួនក្នុងការវាយប្រហារគោលដៅជ្រៅនៅខាងក្នុងរុស្ស៊ីដោយប្រើអាវុធលោកខាងលិច កំពុងរារាំងវាពីការធ្វើឱ្យមានការ រីកចម្រើននៅលើសមរភូមិ ។ បញ្ហានេះត្រូវបានពិភាក្សា កាលពីថ្ងៃព្រហស្បតិ៍នៅឯកិច្ចប្រជុំ ក្រៅផ្លូវការមួយ របស់រដ្ឋមន្ត្រី ការបរទេសសហភាពអឺរ៉ុបនៅទីក្រុងប្រ៊ុចសែល ដោយលោក Borrel បានប្រាប់អ្នកសារព័ត៌មាន បន្ទាប់ពីការប្រមូលផ្តុំនេះ។
លោកបាននិយាយថា «រដ្ឋជាសមាជិកចង់ រក្សាវាជាការសម្រេចចិត្តថ្នាក់ជាតិ ហើយប្រទេសនីមួយៗ នឹងធ្វើការសម្រេច ចិត្តដែលពួកគេពិចារណាថាសមរម្យ»។
លោក Borrell បានបន្តថា ដោយសាររដ្ឋជាច្រើន របស់សហភាពអឺរ៉ុប មិនផ្គត់ផ្គង់អាវុធបាញ់បានចម្ងាយឆ្ងាយដល់អ៊ុយក្រែន “ការចូលរួមជាក់ស្តែង” របស់ពួកគេក្នុងការបង្កើតគោលនយោបាយគឺមានភាពច្របូកច្របល់ ដោយកត់សម្គាល់ថា ប្រទេសដែលផ្គត់ផ្គង់ អាវុធចង់ដឹកនាំអ៊ុយក្រែន អំពីរបៀប ដែលផ្នែករឹង របស់ពួកគេអាចប្រើបានជាជាង ផ្ទេរសេចក្តីសម្រេចទៅសហភាពអឺរ៉ុប ។
រដ្ឋមន្ត្រីការបរទេសអ៊ុយក្រែន លោក Dmitry Kuleba បានអំពាវនាវ ឱ្យលុបចោលដែនកំណត់ចម្ងាយអាវុធ ហើយបានត្អូញត្អែរថា មិនមែនសព្វាវុធទាំងអស់ ដែលបានសន្យា ចំពោះប្រទេស របស់លោកត្រូវបានប្រគល់ជូននោះទេ មុនពេលចូលរួមក្នុង កិច្ចប្រជុំសហភាពអឺរ៉ុប ៕
ប្រែសម្រួលៈ ណៃ តុលា
