តេអេរ៉ង់៖ ក្រសួងការបរទេសអ៊ីរ៉ង់ បានកោះហៅតំណាងទូតអង់គ្លេសកាលពីថ្ងៃអង្គារ ដើម្បីឆ្លើយតបទៅនឹងការដាក់ទណ្ឌកម្មរបស់អង់គ្លេសនាពេលថ្មីៗនេះ លើបុគ្គលបីរូប និងអង្គភាពមួយរបស់អ៊ីរ៉ង់។
យោងតាមសេចក្តីថ្លែងការណ៍របស់ក្រសួង អ្នកការទូតត្រូវបានកោះហៅ ដោយលោក Majid Nili Ahmadabadi នាយកក្រសួង សម្រាប់ប្រជាជាតិអឺរ៉ុប ខាងលិច បន្ទាប់ពីសេចក្តីប្រកាសរបស់ទីក្រុងឡុងដ៍ កាលពីថ្ងៃចន្ទថា ខ្លួនបានដាក់ទណ្ឌកម្មលើលោក Hamid Fazeli, Behnam Shahriari, Abdolfatah Ahvazian និងអង្គភាព ៧០០ នៃកងកម្លាំង Quds នៃកងឆ្មាំបដិវត្តអ៊ីស្លាមអ៊ីរ៉ង់។ រដ្ឋាភិបាលអង់គ្លេសបានចោទប្រកាន់បុគ្គលទាំងនេះ និងអង្គភាពនៃសកម្មភាពគាំទ្រដែលមានគោលដៅអស្ថិរភាពដល់អ៊ីស្រាអែល អ៊ីរ៉ាក់ យេម៉ែន លីបង់ អង់គ្លេស និងប្រទេសដទៃទៀត។
ក្នុងជំនួបនោះ លោក Ahmadabadi បានថ្កោលទោសទណ្ឌកម្មនេះ ដោយអះអាងថា ពួកគេមានជម្លោះជាមួយនឹងគោលនយោបាយនៃការចូលរួម និងកិច្ចសហប្រតិបត្តិការដែលបានអះអាងរបស់រដ្ឋាភិបាលអង់គ្លេសថ្មី។
អ្នកការទូតអ៊ីរ៉ង់ ក៏បានរិះគន់ចក្រភពអង់គ្លេស ចំពោះការគាំទ្ររបស់ខ្លួន ចំពោះសកម្មភាពរបស់អ៊ីស្រាអែល ប្រឆាំងនឹងប៉ាឡេស្ទីន និងការគាំទ្ររបស់នាយករដ្ឋមន្ត្រី អ៊ីស្រាអែលលោក បេនចាមីន ណេតាម់យ៉ាហ៊ូ ដោយអះអាងថា ទាំងនេះបានរួមចំណែកដល់អស្ថិរភាពក្នុងតំបន់។
សេចក្តីថ្លែងការណ៍បានកត់សម្គាល់ថា ឯកអគ្គរដ្ឋទូតអង់គ្លេសបានបញ្ជាក់ថា កង្វល់របស់អ៊ីរ៉ង់នឹងត្រូវបញ្ជូនទៅរដ្ឋាភិបាលអង់គ្លេស៕
ប្រែសម្រួល ឈូក បូរ៉ា
