បរទេស ៖ យោងតាមការចេញ ផ្សាយរបស់ RT រដ្ឋមន្ត្រីអន្តោប្រវេសន៍ លោក Johan Forssell បានប្រាប់អ្នកយកព័ត៌មាន កាលពីថ្ងៃព្រហស្បតិ៍ថា ប្រទេសស៊ុយអែត នឹងបង់ប្រាក់ដល់ ជនអន្តោប្រវេសន៍ រហូតដល់34,000 ដុល្លារ ដើម្បីត្រឡប់ ទៅប្រទេស កំណើតរបស់ពួកគេវិញ។
ការប្រកាសរបស់លោក Forssell កើតឡើងចំពេលមានការផ្លាស់ប្តូរយ៉ាង ទូលំទូលាយ នៃគោលនយោបាយការ ធ្វើចំណាកស្រុកដោយសេរី របស់ប្រទេស ក្នុងតំបន់Nordic ។
លោក Forssell បាននិយាយ នៅក្នុងសន្និសីទ សារព័ត៌មានមួយថា ជនអន្តោប្រវេសន៍ដែលស្ម័គ្រចិត្ត ចាកចេញពីប្រទេសស៊ុយអែត ចាប់ពីឆ្នាំ២០២៦ នឹងមានសិទ្ធិទទួលបាន រហូតដល់៣៥០,០០០ក្រូនស៊ុយអែត ឬត្រូវចា៣៤,០០០ដុល្លារអាមេរិក។
នៅក្រោមប្រព័ន្ធ នៃជំនួយដែលបានបង្កើតឡើង នៅពាក់កណ្តាលទសវត្សរ៍ឆ្នាំ១៩៨០ ស៊ុយអែតបច្ចុប្បន្ន ផ្តល់ជូនជនចំណាកស្រុករហូតដល់១០,០០០ ក្រូនឬត្រូវជា៩៧០ ដុល្លារ សម្រាប់មនុស្សពេញវ័យ និង៥,០០០ ក្រូនឬ៤៨៥ ដុល្លារ ក្នុងមួយកូនៗដើម្បីចាកចេញ ។
ទោះជាយ៉ាងណាក៏ដោយ Forssell បាននិយាយថាមានតែមនុស្សម្នាក់ ប៉ុណ្ណោះ ដែលទទួលយក កិច្ចព្រមព្រៀង កាលពីឆ្នាំមុន។
គួរឲ្យដឹងដែរថាបច្ចុប្បន្ន នាយករដ្ឋមន្ត្រីស៊ុយអែត Ulf Kristersson បានប្តេជ្ញាចាត់វិធានការ ប្រឆាំង នឹងបញ្ហាដែល កំពុងកើនឡើង នៃឧក្រិដ្ឋកម្មចំណាកស្រុក កាលពីឆ្នាំមុន បន្ទាប់ពីមនុស្ស៣ នាក់ត្រូវបាន សម្លាប់ក្នុងរយៈពេល១២ម៉ោង ចំពេលមានជម្លោះ រវាងក្រុមប្រឆាំងគ្រឿងញៀន ដែលមានប្រភពមកពីប្រទេស ក្នុងតំបន់មជ្ឈិមបូព៌ា៕
ប្រែសម្រួល៖ស៊ុនលី
