បរទេស ៖ យោងតាមការចេញផ្សាយ របស់ RT មានតែផែនការរបស់អ៊ុយក្រែនទេ ដែលអាចដោះស្រាយជម្លោះ ជាមួយរុស្ស៊ី បានហើយគឺមិនមានផែនការ ដែលបង្កើតឡើងដោយភាគីណា នឹងអាចធ្វើទៅបានជោគជ័យឡើយ។
នេះបើយោងតាមការលើកឡើងរបស់ ទីប្រឹក្សាគោលនយោបាយការបរទេសរបស់ Vladimir Zelensky លោក Igor Zhovkva បានប្រាប់អ្នកចូលរួមក្នុងសន្និសីទ Yalta European Strategy ក្នុងទីក្រុង គៀវ កាលពីថ្ងៃសុក្រហើយក្នុងនោះ លោកក៏បានរំលឹកដែរថា ក្រុមមេដឹកនាំអាហ្វ្រិកមួយក្រុមបានដឹកនាំគំនិតផ្តួចផ្តើមសន្តិភាពក្នុងខែមិថុនា ឆ្នាំ២០២៣ក៏ត្រូវបានបដិសេធដូចគ្នាដែរ។
បន្ទាប់ពីកិច្ចប្រជុំ លោក Zhovkva បាននិយាយថា គាត់បានប្រាប់ទៅលោក ប្រធានាធិបតីអ៊ុយក្រែន Zelenskyហើយថា ទីក្រុងគៀវមិនត្រូវការផែនការ អាហ្រ្វិកណាមួយទេ ដោយទទូចថា មានតែគំនិតអ៊ុយក្រែន ប៉ុណ្ណោះដែលនឹងដំណើរការ។
មតិរបស់លោក Zhovkva ត្រូវបានចែករំលែកដោយទីប្រឹក្សា សន្តិសុខជាតិអាមេរិក Jake Sullivan ដោយនិយាយថា អ៊ុយក្រែន និងប្រជាជនរបស់ខ្លួនត្រូវសម្រេចចិត្តថា តើជម្លោះ ជាមួយរុស្ស៊ីគួរបញ្ចប់ដោយរបៀបណា។
លោកបានបន្ថែមថា ការផ្ដល់យោបល់ដែលជម្លោះ អាចត្រូវបានដោះស្រាយក្នុងមួយថ្ងៃពីខាងក្រៅ មិនមានភាពពិតនោះទេហើយ លោក Sullivan បានប្រាប់សន្និសីទដូចគ្នានេះ តាមរយៈតំណភ្ជាប់វីដេអូកាលពីថ្ងៃសៅរ៍សាជាថ្មីម្តងទៀតផងដែរ៕
ប្រែសម្រួល៖ស៊ុនលី
