បរទេស៖យោងតាមការចេញផ្សាយរបស់ RT ប្រទេសភាគច្រើននៃសមាជិករបស់សហភាពអឺរ៉ុប និងគណៈកម្មាការអ៊ឺរ៉ុប នៅតែមានការពេញចិត្តក្នុងការពន្យាររយៈពេល បន្តទណ្ឌកម្មសម្រាប់ទ្រព្យសម្បត្តិរបស់រុស្ស៊ី ដែលត្រូវបានបង្កកដោយប្លុកអឺរ៉ុបបន្ថែមពី៦ទៅ ៣៦ខែ ទៀត។
អង្គការដ៏ធំបំផុតរបស់អឺរ៉ុបដែលមាន ទីស្នាក់ការនៅក្នុងទីក្រុងប្រ៊ូសែល កំពុងធ្វើការផ្លាស់ប្តូរបទប្បញ្ញត្តិ របស់ខ្លួនក្នុងការប៉ុនប៉ងដើម្បីបញ្ចុះបញ្ចូលទីក្រុងវ៉ាស៊ីនតោន ឱ្យរួមចំណែកដល់ប្រាក់កម្ចីចំនួន៥០ពាន់លានដុល្លារ របស់ខ្លួនបន្ថែមទៀតទៅដល់អ៊ុយក្រែនផងដែរ។
វាត្រូវបានគេគ្រោងថាការផ្តល់មូលនិធិ នឹងត្រូវបានសងវិញដោយប្រើការប្រាក់ដែលរកបានប្រហែល៣០០ ពាន់លានដុល្លារនៅក្នុងទ្រព្យ សកម្មរបស់ធនាគារកណ្តាលរុស្ស៊ីដែលត្រូវបានបង្កក ដោយលោកខាងលិចបន្ទាប់ពីការកើនឡើងនៃជម្លោះរវាងទីក្រុងម៉ូស្គូ និងទីក្រុងគៀវក្នុងខែកុម្ភៈឆ្នាំ២០២២ ហើយមូលនិធិដែលត្រូវបានរារាំងភាគច្រើនកំពុងត្រូវបានធ្វើឡើង នៅក្នុងប្រទេសសមាជិកអឺរ៉ុបផ្ទាល់តែម្តង។
យ៉ាងណាក្តីសហរដ្ឋអាមេរិកត្រូវបាន គេរាយការណ៍ថាមានការព្រួយបារម្ភថារយៈពេល បន្តការដាក់ទណ្ឌកម្មរយៈពេលប្រាំមួយខែបច្ចុប្បន្នរបស់ប្លុកនេះ ធ្វើឱ្យប្រាក់កម្ចីមានហានិភ័យពេក។
យោងតាមកាសែត The Politico គណៈកម្មការអឺរ៉ុបបានស្នើគំនិត៣អំពីរបៀបធ្វើវិសោធន កម្មច្បាប់ដាក់ទណ្ឌកម្មរបស់សហភាពអឺរ៉ុប ដើម្បីកាត់បន្ថយ កង្វល់របស់ទីក្រុងវ៉ាស៊ីនតោនកាលពីថ្ងៃសុក្រ។
កាលពីចុងខែសីហា ប្រធានគោលនយោបាយការ បរទេសរបស់សហភាពអឺរ៉ុប លោក Josep Borrell បាននិយាយថា ប្លុកនេះបានធ្វើការផ្ទេរប្រាក់ដំបូងរបស់ខ្លួនចំនួន១,៤ ពាន់លានអឺរ៉ូឬត្រូវជា១,៥ពាន់លានដុល្លារ នៅក្នុងការប្រាក់ដែលរកបានលើទ្រព្យសកម្មរបស់ធនាគារកណ្តាលដែលជាប់គាំងរបស់រុស្ស៊ីទៅកាន់អ៊ុយក្រែន និងរដ្ឋផ្សេងទៀតដែលកំពុងផ្តល់ជំនួយដល់ទីក្រុងគៀវចំពេលមានជម្លោះ៕
ប្រែសម្រួល៖ស៊ុនលី
