ម៉ូស្គូ៖ រុស្ស៊ីរក្សាសិទ្ធិ ក្នុងការចាត់វិធាន ការមិនសមមាត្រ ដើម្បីឆ្លើយតបទៅនឹង ការដាក់ទណ្ឌកម្ម របស់សហរដ្ឋអាមេរិក ទៅលើអ្នកសារព័ត៌មានរុស្ស៊ី នេះបើតាមការលើកឡើង របស់ឯកអគ្គរដ្ឋទូតរុស្ស៊ីប្រចាំនៅសហរដ្ឋអាមេរិក លោក Anatoly Antonov។
លោកត្រូវបានដកស្រង់ដោយសារព័ត៌មាន TASS របស់ រុស្ស៊ីឲ្យដឹងថា “យើងរក្សាសិទ្ធិ ក្នុងការឆ្លើយតប ដោយមិនស៊ីមេទ្រីយ៉ាង តឹងរ៉ឹង ស្របតាមផលប្រយោជន៍ជាតិ របស់រុស្ស៊ី” នេះបើយោងតាមការ ចុះផ្សាយរបស់ទីភ្នាក់ងារ សារព័ត៌មានចិនស៊ិនហួ។
លោក Antonov បានលើកឡើងថា រុស្ស៊ីនឹងវាយតម្លៃយ៉ាងហ្មត់ចត់លើការដាក់ទណ្ឌកម្ម របស់សហរដ្ឋអាមេរិក រួមទាំងការរឹតបន្តឹងទិដ្ឋាការ ដែលមិនបានបង្ហាញឱ្យឃើញ ដែលបានដាក់ដោយក្រសួងការបរទេសអាមេរិក ។
លោកបានបន្ថែមថា សហរដ្ឋអាមេរិកអាចនឹង បន្តកិច្ចខិតខំប្រឹងប្រែងរបស់ខ្លួន ដើម្បីបង្ក្រាបទស្សនៈផ្សេងទៀតដែលបង្ហាញដោយប្រព័ន្ធផ្សព្វផ្សាយរុស្ស៊ី។
លោកបានលើកឡើងថា “ការប៉ុនប៉ង ដើម្បីរារាំងសំឡេង នៃប្រព័ន្ធផ្សព្វផ្សាយរុស្ស៊ី ដែលផ្តល់ទស្សនៈ ដែលត្រូវការច្រើន នៅក្នុងសហរដ្ឋអាមេរិក ទំនងជានៅតែមាន ខ្ញុំមិនរំពឹងថា នឹងមានការរីកចម្រើន នៅក្នុងស្ថានភាពនេះ នៅពេលណាមួយឆាប់ៗនោះទេ”៕
ប្រែសម្រួល ឈូក បូរ៉ា
