បរទេស ៖ យោងតាមការចេញផ្សាយរបស់ RT ប្រព័ន្ធផ្សព្វផ្សាយរដ្ឋស៊ីរី បានរាយការណ៍ថា យន្តហោះរបស់អ៊ីស្រាអែល បានវាយប្រហារលើច្រកព្រំដែន រវាងប្រទេសស៊ីរី និងប្រទេស លីបង់ក្នុងទីក្រុង Matraba ដោយបានបណ្តាល ឲ្យមនុស្ស យ៉ាងតិច៨នាក់រងរបួស។
ការវាយប្រហារនេះ កើតមានរយៈពេល៤ថ្ងៃប៉ុណ្ណោះ ក្នុងយុទ្ធនាការរបស់ក្រុងយេរូសាឡឹម ខាងលិច ប្រឆាំងនឹងប្រទេសលីបង់ដែលត្រូវបានគេហៅឈ្មោះថា ព្រួញខាងជើងឬ Northern Arrows ដែលវាមានគោលដៅលើក្រុមហេសបូឡាតែម្តង។
ទីភ្នាក់ងារសារព័ត៌មានរដ្ឋស៊ីរី SANA បានដកស្រង់សម្តី ប្រធានច្រកព្រំដែន លោក Ayal Alloush កាលពីថ្ងៃព្រហស្បតិ៍ថា ៖សត្រូវអ៊ីស្រាអែលភ្លាមៗ បានកំណត់គោលដៅថា បានធ្វើដំណើរ មកដល់ពីទឹកដីលីបង់នៅលើស្ពានឆ្លង កាត់រវាងប្រទេសស៊ីរី និងលីបង់ ។
លោក Alloush ក៏បាននិយាយផងដែរថា ការបំផ្ទុះគ្រាប់បែកនេះ បានធ្វើឱ្យខូចខាតទ្រព្យសម្បត្តិដល់ផ្លូវឆ្លងកាត់ និងតំបន់ជុំវិញតំបន់ Matraba ដែលមានទីតាំងនៅក្នុងខេត្ត Homs ដែលមានព្រំប្រទល់ភាគខាងជើង និងកណ្តាលនៃប្រទេសលីបង់ ។
ក្រោយមកកងកម្លាំង ការពារអ៊ីស្រាអែល ហៅកាត់ថាIDF បានចេញមកអះអាង បញ្ជាក់អំពីការវាយប្រហារ ទៅលើហេដ្ឋារចនាសម្ព័ន្ធ នៅព្រំដែនស៊ីរី-លីបង់ទាំងនេះ។ IDF ក៏បានអះអាងដែរថា ក្រុម Hezbollah បានប្រើប្រាស់ស្ពាន Matraba ដើម្បីរត់ពន្ធអាវុធពីប្រទេសស៊ីរី នេះបើយោងតាមកាសែត Times of Israel ៕
ប្រែសម្រួល៖ស៊ុនលី
