បរទេស៖ ទូកទេសចរណ៍មានក្តោងមួយគ្រឿង បានខូចម៉ាស៊ីន ហើយបានឆេះ និងលិច បន្ទាប់ពីបានដឹកអ្នកទេសចរ ២២ នាក់ទៅកាន់កោះមួយនៅជិតភូកេត កាលពីព្រឹកថ្ងៃព្រហស្បតិ៍។
យោងតាមសារព័ត៌មាន បាងកក ប៉ុស្តិ៍ ចេញផ្សាយកាលពីថ្ងៃទី៣ ខែតុលា ឆ្នាំ២០២៤ បានឱ្យដឹងថា ទូក Flamingo Lady 2 ចំណុះ 16.68 តោន បានចាកចេញពីកំពង់ផែ Ao Po នៅម៉ោង ១០ ព្រឹក ដើម្បីដឹកអ្នកដំណើររបស់ខ្លួនទៅកាន់កោះ Naka Yai ។
ខណៈពេលដែលទូកកំពុងត្រលប់មកភូកេតវិញ ស្រាប់តែម៉ាស៊ីនខាងស្តាំរបស់វាបានដាច់ និងឆេះនៅចន្លោះកោះ Naka Yai និង Raet នៅម៉ោង ១០:៣៥នាទី ព្រឹក។
អ្នកបើក និងវិស្វកររបស់ទូកបានព្យាយាមពន្លត់ភ្លើងតែមិនបានផល។ ចំណែកប្រធានក្រុម Charoon Roengsamut អាយុ៣១ឆ្នាំ បានរងរបួសស្រាលត្រង់ជើង ហើយទូកនោះក៏បំផុត បានលិចចូលសមុទ្រតែម្តង៕
ប្រែសម្រួលៈ ណៃ តុលា
