ឡូសអ៊ែនជីឡេស៖ មជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក ហៅកាត់ថា (CDC) បានបញ្ជាក់ពីករណីមនុស្សចំនួន០២នាក់ដែលបានឆ្លងជំងឺផ្តាសាយបក្សីប្រភេទ H5 នៅរដ្ឋកាលីហ្វ័រនីញ៉ា កាលពីថ្ងៃព្រហស្បតិ៍ ដែលជាការកត់សម្គាល់ករណីមនុស្សឆ្លងវីរុស H5 ជាដំបូងនៅក្នុងរដ្ឋនេះ ។
មជ្ឈមណ្ឌល CDC បានឲ្យដឹងថា ករណីនេះបានកើតឡើងចំពោះអ្នកដែលប៉ះពាល់ការងារជាមួយសត្វគោយកទឹកដោះគោដែលមានមេរោគនេះ ។ ការស៊ើបអង្កេតដែលដឹកនាំដោយរដ្ឋកាលីហ្វ័រនីញ៉ា កំពុងបន្តធ្វើឡើង ។
នៅគ្រានេះដែរ មិនទាន់មានទំនាក់ទំនង ឬទំនាក់ទំនងរវាងករណីដែលបានបញ្ជាក់ជាលើកដំបូង និងអ្នកឆ្លងជំងឺទី២នៅរដ្ឋកាលីហ្វ័រនីញ៉ា ដោយបង្ហាញថា ទាំងនេះគឺជាករណីដាច់ដោយឡែកពីសត្វទៅមនុស្ស ។ បើយោងតាមមជ្ឈមណ្ឌល CDC បានបញ្ជាក់ដូច្នេះ ។
មជ្ឈមណ្ឌល CDC បន្តសហការយ៉ាងជិតស្និទ្ធជាមួយមន្ត្រីសុខាភិបាលសាធារណៈនៅរដ្ឋកាលីហ្វ័រនីញ៉ា និងរដ្ឋផ្សេងៗទៀត ដើម្បីគ្រប់គ្រងការរីករាលដាលនៃមេរោគ H5N1 ពីសត្វដែលឆ្លងដល់មនុស្ស។
ជំងឺផ្តាសាយបក្សីបង្កឡើងដោយវីរុស H5N1 ត្រូវបានគេរកឃើញជាលើកដំបូងនៅក្នុងខ្លួនសត្វគោក្នុងឆ្នាំនេះ នៅសហរដ្ឋអាមេរិក ។ មេរោគនេះបានរីករាលដាលនៅក្នុងខ្លួនបក្សីព្រៃ ហើយបានបង្កឱ្យមានការផ្ទុះឡើងជាបន្តបន្ទាប់នៅក្នុងចំណោមសត្វបសុបក្សីក្នុងប្រទេសគិតចាប់តាំងពីឆ្នាំ២០២២។ វាបានបង្កឱ្យមានការឆ្លងដ៏កម្រ និងកម្រកើតនៅក្នុងខ្លួនមនុស្សដែលធ្វើការជាមួយសត្វដែលមានមេរោគ ដូចជាកម្មករគោទឹកយកដោះគោ និងកម្មករបសុបក្សី ផងដែរ ។
គិតរហូតមកដល់ពេលនេះ ករណីឆ្លងមកមនុស្សមានចំនួន១៦ករណីនៃមេរោគ H5 ត្រូវបានរាយការណ៍នៅសហរដ្ឋអាមេរិក នៅក្នុងឆ្នាំ២០២៤នេះ ៕
ប្រែសម្រួលដោយ៖ ម៉ៅ បុប្ផាមករា
