កាតា និងអាមេរិក ពិភាក្សាអំពីកិច្ចខិតខំប្រឹងប្រែងរួមគ្នា សម្រាប់បទឈប់បាញ់នៅតំបន់ហ្គាហ្សា និងការបន្ថយភាពតានតឹងក្នុងតំបន់

ដូហា៖ នាយករដ្ឋមន្ត្រី និងជារដ្ឋមន្ត្រីក្រសួងការបរទេសកាតាលោក Sheikh Mohammed bin Abdulrahman bin Jassim Al-Thani និងរដ្ឋមន្ត្រីការបរទេសសហរដ្ឋអាមេរិកលោក Antony Blinken បានពិភាក្សាគ្នាអំពីកិច្ចខិតខំប្រឹងប្រែងសម្របសម្រួលរួមគ្នាចុងក្រោយបង្អស់ សម្រាប់បទឈប់បាញ់នៅតំបន់ហ្គាហ្សា និងវិធីដើម្បី ការកាត់បន្ថយការកើនឡើងនៅលីបង់។

សេចក្តីថ្លែងការណ៍របស់ក្រសួងការបរទេសកាតាបានឲ្យដឹងថាក្នុងអំឡុងពេលពិភាក្សាតាមទូរស័ព្ទភាគីទាំងពីរបានពិនិត្យឡើងវិញនូវមធ្យោបាយដើម្បីបង្កើនទំនាក់ទំនងទ្វេភាគី ក៏ដូចជាការវិវឌ្ឍចុងក្រោយបង្អស់ក្នុងតំបន់ ជាពិសេសស្ថានភាពនៅតំបន់ហ្គាហ្សា។

សេចក្តីថ្លែងការណ៍បានកត់សម្គាល់ថា ពួកគេក៏បានពិភាក្សាអំពីវិធីកាត់បន្ថយភាពតានតឹងនៅក្នុងប្រទេសលីបង់ និងបញ្ហាជាច្រើននៃការព្រួយបារម្ភទៅវិញទៅមក។

ចាប់តាំងពីការផ្ទុះឡើងនៃជម្លោះរវាងក្រុមហាម៉ាស់ និងអ៊ីស្រាអែល កាលពីខែតុលា ឆ្នាំមុន សហរដ្ឋអាមេរិក កាតា និងអេហ្ស៊ីប បាននិងកំពុងធ្វើការដើម្បីសម្របសម្រួលបទឈប់បាញ់នៅតំបន់ហ្គាហ្សា។  ទោះបីជាយ៉ាងណាក៏ដោយ ជាមួយនឹងការកើនឡើងនៃភាពតានតឹងក្នុងតំបន់នាពេលថ្មីៗនេះ កិច្ចខិតខំប្រឹងប្រែងសម្របសម្រួលបានជាប់គាំង៕

ប្រែសម្រួល ឈូក បូរ៉ា