សេអ៊ូល ៖ កូរ៉េខាងជើង បានឲ្យដឹងថា ខ្លួនបានរកឃើញ បំណែកយន្តហោះដ្រូន ដែលស្រដៀងទៅនឹង យន្តហោះដ្រូនយោធា ដែលកូរ៉េខាងត្បូង បានបង្ហាញក្នុងអំឡុងពេល ព្យុហយាត្រា នៃកងកម្លាំងប្រដាប់អាវុធ ដោយហៅវាថា ជាភស្តុតាងសម្ភារៈយោធា ដើម្បីបង្ហាញថាកូរ៉េខាងត្បូង បានប្រព្រឹត្តអំពើញុះញង់អរិភាពក្នុងការរំលោភ លើអធិបតេយ្យភាពរបស់ប្រទេសនេះ។
ប្រភពពី KCNA បានឲ្យដឹងថា អ្នកនាំពាក្យក្រសួងការពារជាតិ កូរ៉េខាងជើង បានឲ្យដឹងនៅថ្ងៃសុក្រថា ការិយាល័យសន្តិសុខ ក្រុងព្យុងយ៉ាង នៃក្រសួងសន្តិសុខ សាធារណៈកូរ៉េខាងជើង កាលពីថ្ងៃទី១៣ ខែតុលា បានរកឃើញអដ្ឋិធាតុនៃយន្តហោះដ្រូន បានធ្លាក់ក្នុងអំឡុងពេល ប្រតិបត្តិការរុករកនៅទីក្រុងព្យុងយ៉ាង ។
កូរ៉េខាងជើង បានវាយតម្លៃតាមរយៈការពិនិត្យ និងវិភាគបច្ចេកទេសថា ដ្រូនដែលខ្លួនបានរកឃើញថាជាយន្តហោះដ្រូនទម្ងន់ស្រាល សម្រាប់ការឈ្លបយកការណ៍រយៈចម្ងាយឆ្ងាយ ដែលជាកម្មសិទ្ធិ របស់យោធាកូរ៉េខាងត្បូង និងមួយប្រភេទដូចគ្នា ទៅនឹងយន្តហោះដឹកអ្នកដំណើរ ដែលបើកជាសាធារណៈនៅក្នុងព្រឹត្តិការណ៍មួយដែលសម្គាល់ ។
ដោយផ្អែកលើរូបរាងរបស់យន្តហោះដ្រូន រយៈពេលនៃការហោះហើរ សន្មតរបស់វា និងប្រអប់ចែកចាយខិត្តប័ណ្ណ ត្រូវបានជួសជុលទៅផ្នែកខាងក្រោម នៃតួយន្តហោះ របស់យន្តហោះដ្រូន ក្នុងចំណោមកត្តាផ្សេងទៀត “វាទំនងជាថា យន្ដហិះដ្រូននេះ គឺជាអ្នកដែលរាយប៉ាយខិត្តប័ណ្ណ នៅកណ្តាលទីក្រុងព្យុងយ៉ាង” ៕
ប្រែសម្រួល ឈូក បូរ៉ា
