បរទេស៖ ទីភ្នាក់ងារចិនស៊ិនហួចេញផ្សាយ នៅថ្ងៃនេះបានឲ្យដឹងថាកងពលតូច Al-Qassam ដែលជាមែកធាងនៃកងកម្លាំង ប្រដាប់អាវុធរបស់ក្រុមហាម៉ាស បានប្រកាសកាលពីថ្ងៃអាទិត្យថា ពួកគេបានសម្លាប់ និងធ្វើឱ្យទាហានអ៊ីស្រាអែលរងរបួស នៅក្នុងប្រតិបត្តិការជាច្រើន នៅភាគខាងជើងហ្គាហ្សាស្ទ្រីប។
នៅក្នុងសេចក្តីថ្លែងការណ៍ដាច់ដោយឡែក កងពលតូចបានរាយការណ៍ថា កងកម្លាំងរបស់ខ្លួនបានកំណត់គោលដៅ នៅភាគខាងលិចនៃជំរំ Jabalia រថក្រោះ Merkava របស់អ៊ីស្រាអែល ជាមួយនឹងមីស៊ីល Yassin 105 និងរថពាសដែក Nameer ជាមួយនឹងមីស៊ីលTandem។
អ្នកប្រយុទ្ធរបស់ខ្លួនក៏បានគ្រប់គ្រង ការវាយប្រហារទៅលើទាហានអ៊ីស្រាអែលពីរនាក់ ជាមួយនឹងការបាញ់ប្រហារដោយ អ្នកលបបាញ់របួសពួកគេដោយផ្ទាល់នៅក្នុងជំរុំ Jabaliaហើយបន្ថែមពីលើនេះ ខ្លួនបានរាយការណ៍ថាបានបំផ្លាញ រថពាសដែករបស់អ៊ីស្រាអែលឈ្មោះ Namer ជាមួយនឹងឧបករណ៍បំផ្ទុះ Shawah នៅភាគពាយព្យនៃទីក្រុង Gaza ។
កងពលតូចដដែលនេះបានអះអាងទៀតថា យុទ្ធជនរបស់ខ្លួនបានជ្រៀតចូល ពីក្រោយកងទ័ពអ៊ីស្រាអែល ដែលបានឈានទៅភាគខាងកើតនៃជំរំ Jabalia កាលពីយប់ថ្ងៃសៅរ៍ហើយ ពួកគេបានកំណត់គោលដៅដោយជោគជ័យ លើនាវាផ្ទុកពាសដែកអ៊ីស្រាអែលចំនួនពីរគ្រឿង ដោយប្រើឧបករណ៍បំផ្ទុះ Shawah និងមីស៊ីល Yassin 105 ដែលបណ្តាលឱ្យមានអ្នកស្លាប់ និងរបួសក្នុងចំណោមកងទ័ពទាំងអស់។
គួរឲ្យដឹងដែរថាកងទ័ពអ៊ីស្រាអែល បន្តប្រតិបត្តិការជើងគោករបស់ខ្លួននៅក្នុងជំរំ Jabalia ដែលជាជំរុំជនភៀសខ្លួនប៉ាឡេស្ទីន ដ៏ធំបំផុតនៅហ្គាហ្សារយៈពេល ១៦ថ្ងៃជាប់ៗគ្នា ដោយអះអាងថាប្រតិបត្តិការនេះ មានគោលបំណងរារាំងក្រុមយុទ្ធជនហាម៉ាស់ ពីការប្រមូលផ្តុំឡើងវិញ និងដើម្បីបើកការវាយប្រហារបន្ថែមទៀត ៕
ប្រែសម្រួល៖ ស៊ុន លី
