បរទេស ៖ យោងតាមការចេញផ្សាយរបស់ RT ប្រធានាធិបតីរុស្ស៊ីលោក Vladimir Putin បានផ្តល់សញ្ជាតិ កាលពីថ្ងៃចន្ទដល់បុរសម្នាក់ ដែលធ្លាប់ត្រូវបានប្រព័ន្ធផ្សព្វផ្សាយ របស់ប្រទេសរុស្សីហៅថាជា ជនភៀសខ្លួន នយោបាយអាមេរិកដំបូងគេ។
ប្រភពដដែលបានសរសេរទៀតថា លោកJohn Anthony Robles ជនជាតិអាមេរិក ដែលបានជ្រកកោននៅរុស្សី អស់រយៈពេលជាច្រើន ទសវត្សនោះទីបំផុត ត្រូវបានផ្តល់លិខិតឆ្លង ដែនរុស្សី រួមជាមួយនឹងមនុស្សរាប់សិបនាក់ផ្សេងទៀត រួមទាំងអ្នកកាសែត អ្នកជំនួញ និងអត្តពលិកផងដែរ។
លោកRobles បានមកដល់ប្រទេស រុស្ស៊ីវិញ ក្នុងឆ្នាំ១៩៩៦ ក្នុងនាមជាជនភៀសខ្លួន ហើយជនជាតិអាមេរិករូបនេះ បានអះអាងថា គាត់កំពុងត្រូវបានបៀតបៀនដោយទីភ្នាក់ងារ សន្តិសុខរបស់សហរដ្ឋអាមេរិក ដោយសារតែការព្យាយាម របស់គាត់ក្នុងការទាក់ទងមន្ត្រីរុស្ស៊ី និងការប្រឆាំងយ៉ាងម៉ឺងម៉ាត់ របស់គាត់ចំពោះ ចក្រពត្តិនិយម ក៏ដូចជាជំហគាំទ្ររបស់គាត់ចំពោះរបបកុម្មុយនិស្ត។
បន្ថែមពីនេះគាត់ត្រូវបានគេជឿថា ជាជនបរទេសដំបូងគេ ដែលបានទទួលសិទ្ធិជ្រកកោន នៅក្នុងប្រទេសរុស្ស៊ីសម័យទំនើបហើយ ចាប់តាំងពីមកដល់ទឹកដីរុស្សី គាត់បានបម្រើការងារជាគ្រូបង្រៀនផង និងជាអ្នកកាសែតអន្តរជាតិ ជាមួយវិទ្យុសំឡេងរុស្ស៊ីផង៕
ប្រែសម្រួល៖ស៊ុនលី
