បរទេស៖ អ៊ីរ៉ង់អាចនឹងសម្រេចចិត្តសងសឹកអ៊ីស្រាអែល ចំពោះការខូចខាតយ៉ាងខ្លាំងដល់ប្រព័ន្ធការពារដែនអាកាស និងកន្លែងផលិតកាំជ្រួចក្នុងការវាយប្រហារផ្លូវអាកាសនៅថ្ងៃទី២៦ ខែតុលា។
យោងតាមសារព័ត៌មាន VN EXPRESS ចេញផ្សាយនៅថ្ងៃទី២ ខែវិច្ឆិកា ឆ្នាំ២០២៤ បានឱ្យដឹងថា ឧត្តមសេនីយ៍ Ali Fadavi មេបញ្ជាការរងនៃកងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បាននិយាយនៅថ្ងៃទី៣១ ខែតុលាថា “អ៊ីរ៉ង់ពិតជានឹងឆ្លើយតបទៅនឹងការឈ្លានពានរបស់អ៊ីស្រាអែល។ យើងមិនដែលអត់ឱនឱ្យមានការឈ្លានពានណាមួយក្នុងរយៈពេល ៤០ ឆ្នាំចុងក្រោយនេះ ហើយមានសមត្ថភាពបំផ្លាញអ្វីគ្រប់យ៉ាង ដែលអ៊ីស្រាអែលមាននៅក្នុងប្រតិបត្តិការតែមួយ”។
នេះជាសេចក្តីថ្លែងការណ៍ដំបូងរបស់មន្ត្រីជាន់ខ្ពស់អ៊ីរ៉ង់ដែលបង្ហាញថា អ៊ីរ៉ង់គ្រោងសងសឹកចំពោះការវាយប្រហារតាមអាកាសរបស់អ៊ីស្រាអែលនៅថ្ងៃទី២៦ ខែតុលា។ នេះជាហានិភ័យនៃការបន្តវដ្តនៃការវាយប្រហាររវាងប្រទេសទាំងពីរ ដោយជំរុញមជ្ឈិមបូព៌ាទៅ គែមនៃជម្លោះទាំងអស់នៅពេលដែលភាគីទាំងពីរហាក់ដូចជាមិនមានឆន្ទៈក្នុងការថយក្រោយ។
លោក Gholamhossein Mohammadi Golpayegani អគ្គសេនាធិការនៃមេដឹកនាំកំពូលអ៊ីរ៉ង់បាននិយាយនៅថ្ងៃដដែលនោះថា អ៊ីរ៉ង់បាន “រៀបចំផែនការឆ្លើយតបយ៉ាងខ្លាំងក្លា” ចំពោះយុទ្ធនាការវាយប្រហាររបស់អ៊ីស្រាអែល។
សូមជម្រាបថា អ៊ីរ៉ង់បានវាយប្រហារផ្ទាល់ពីរដងនៅលើទឹកដីអ៊ីស្រាអែលក្នុងឆ្នាំនេះ ទាំងក្នុងការសងសឹកចំពោះសកម្មភាពយោធា និងក្នុងការរារាំង។ មុនពេលការវាយប្រហារនីមួយៗ មេដឹកនាំអ៊ីរ៉ង់បានប្រថុយប្រថាននឹងហានិភ័យដែលយុទ្ធនាការរារាំងនឹងមានការតបតវិញ ដែលបង្កឱ្យមានការវាយប្រហារបន្ថែមទៀតដែលអាចបំផ្លាញហេដ្ឋារចនាសម្ព័ន្ធ និងសេដ្ឋកិច្ចយ៉ាងធ្ងន់ធ្ងរ៕
ប្រែសម្រួលៈ ណៃ តុលា
