បរទេស៖ យោងតាមការចេញផ្សាយរបស់ RT ដែលបានដកស្រង់អត្ថបទមួយចេញពីទូរទស្សន៍ BBC បានសរសេរថាអសមត្ថភាពរបស់អ៊ុយក្រែន ក្នុងការកម្ចាត់រុស្សីនៅសមរភូមិបានជំរុញឱ្យមានការជជែកដេញដោលគ្នា នៅអាមេរិកអំពីចំណុចនៃការផ្ញើប្រាក់បន្ថែមទៅក្រុងគៀវ។
ប្រភពដដែលបានសរសេរទៀតថាជម្លោះកំពុងតែបន្តដំណើរ ទៅមុខរបស់រុស្ស៊ីហើយការសម្រេចបាននូវគោលបំណងដែនដី ដែលបានបញ្ជាក់របស់អ៊ុយក្រែនគឺហាក់ដូចជាមានតិចទៅៗ។
នៅក្នុងរបាយការណ៍ពីទីក្រុង Zaporozhye និងសមរភូមិជួរមុខក្បែរនោះ អំពីមតិលើការបោះឆ្នោតប្រធានាធិបតីអាមេរិក ទាហានអ៊ុយក្រែនបានប្រាប់អ្នកយកព័ត៌មានរបស់ BBC ថាពួកគេសង្ឃឹមថា អ្នកណាឈ្នះនឹងបន្តគាំទ្រគៀវ។
ទាហានម្នាក់ដែលត្រូវបានគេកំណត់អត្តសញ្ញាណថាជា Andrey បាននិយាយថា៖ យើងនឹងប្រយុទ្ធជាមួយនឹងអ្វីដែលយើងមាន ប៉ុន្តែមនុស្សគ្រប់គ្នាដឹងថាអ៊ុយក្រែនមិនអាចធ្វើវាដោយខ្លួនឯងបានទេ ។
គួរឲ្យដឹងដែរថាការវាយលុកឆ្នាំ២០២៣ របស់ទីក្រុងគៀវគឺពុំទទួលបានលទ្ធផលល្អប្រសើរខ្លាំងនោះឡើយ ហើយចាប់តាំងពីពេលនោះមកប្រទេសនេះបានប្តូរទៅរកការរស់រានមានជីវិតទាំងលំបាក លំបិនដែលវាបង្កដោយសារតែការខ្វះខាតនៃវឌ្ឍនភាពនៃសមរភូមិ និងការគាំទ្រដល់កងទ័ពអ៊ុយក្រែន។
ងាកទៅខាងអាមេរិកវិញអតីតប្រធានាធិបតីអាមេរិក និងជាបេក្ខជនមកពីគណបក្សសាធារណរដ្ឋបច្ចុប្បន្ន លោក Donald Trump បានសន្យាថានឹងបញ្ចប់ជម្លោះយ៉ាងឆាប់រហ័សដោយការចរចាជាមួយទីក្រុងមូស្គូខណៈដែលមិត្តរួមដំណែងរបស់គាត់គឺសមាជិកព្រឹទ្ធសភា J.D. Vance ដែលជាបេក្ខភាពអនុប្រធានាធិបតីបានប្រឆាំងនឹងជំនួយយោធាបន្ថែមទៀតដល់អ៊ុយក្រែន៕
ប្រែសម្រួល៖ ស៊ុនលី
