ហាណូយ៖ រដ្ឋសភាវៀតណាម (NA) បានអនុម័តសេចក្តីសម្រេចចិត្តមួយ ស្តីពីការប៉ាន់ប្រមាណថវិការដ្ឋឆ្នាំ ២០២៥ ដែលកំណត់ការចំណាយលើសថវិកាចំនួន ៤៧១,៥ ពាន់ពាន់លានដុងវៀតណាម (១៨,៥ ពាន់លានដុល្លារ) ស្មើនឹង ៣,៨ ភាគរយនៃថវិកា ផលិតផលក្នុងស្រុកសរុប (GDP) របស់ប្រទេស។
ទីភ្នាក់ងារសារព័ត៌មានវៀតណាមបានរាយការណ៍ថា តំណាងរដ្ឋសភាបានស្នើថា ល្បឿននៃការបញ្ចេញការវិនិយោគសាធារណៈត្រូវតែត្រូវបានពន្លឿន ជាពិសេសសម្រាប់គម្រោងជាតិសំខាន់ៗ ក៏ដូចជាគម្រោងសំខាន់ៗក្នុងស្រុក។
សមាជិកសភាបានផ្តល់អនុសាសន៍ឱ្យបែងចែកមូលនិធិឡើងវិញ ពីគម្រោងជាមួយនឹងការអនុវត្តយឺត ដល់គម្រោងដែលមានសក្តានុពល សម្រាប់ការអនុវត្ត និងការបញ្ចេញ។
យោងតាមការិយាល័យស្ថិតិទូទៅបានឱ្យដឹងថា វៀតណាមបានប្រកាសពីការប្រមូលថវិកាជាង ៦៥ពាន់លានដុល្លារ ចាប់ពីខែមករាដល់ខែតុលា កើនឡើង ១៧,៣ ពីមួយឆ្នាំទៅមួយឆ្នាំ និងស្មើនឹង ៩៧,២នៃការប៉ាន់ប្រមាណពេញមួយឆ្នាំ៕
ប្រែសម្រួល ឈូក បូរ៉ា
