បកប្រែជាភាសាព័រទុយហ្កាល់ចាក់ផ្សាយនៅតាមប្រព័ន្ធសារព័ត៌មានសំខាន់ៗរបស់ប្រទេសប្រេស៊ីល
ក្នុងឱកាសដែលលោក Xi Jinping ប្រធានរដ្ឋចិនអញ្ជើញចូលរួមកិច្ចប្រជុំកំពូល G20 លើកទី ១៩ និងបំពេញទស្សនកិច្ចផ្លូវរដ្ឋនៅប្រទេសប្រេស៊ីល ពិធីចាប់ដំណើរការការចាក់ផ្សាយកម្មវិធី «ប្រយោគបុរាណចិនដែលលោក Xi Jinping ចូលចិត្តប្រើ» រដូវកាលទី៣ បកប្រែជាភាសាព័រទុយហ្កាល់ដែលផលិតដោយអគ្គស្ថានីយវិទ្យុនិងទូរទស្សន៍មជ្ឈិមចិនបានធ្វើឡើងនៅក្រុង Brasilia កាលពីថ្ងៃទី២០ខែវិច្ឆិកា។ភ្ញៀវកិត្តិយសចំនួនជាង ២រយរូប រួមមានទាំងឥស្សរជនល្បីៗក្នុងមជ្ឈដ្ឋាននយោបាយ សេដ្ឋកិច្ច វប្បធម៌ ប្រព័ន្ធសារព័ត៌មាន និងសិក្សាស្រាវជ្រាវជាដើមរបស់ប្រទេសប្រេស៊ីលបានអញ្ជើញចូលរួមក្នុងព្រឹត្តិការណ៍នេះ។
កម្មវិធី «ប្រយោគបុរាណចិនដែលលោក Xi Jinping ចូលចិត្តប្រើ» រដូវកាលទី៣ បកប្រែជាភាសាព័រទុយហ្កាល់ផ្តោតលើប្រធានបទដូចជា សហគមន៍រួមវាសនានៃមនុស្សជាតិ ការបន្តវេន និងធ្វើនវានុវត្តន៍វប្បធម៌ ការការពារជីវចម្រុះ និងការផ្លាស់ប្តូរ និងរៀនសូត្រពីអរិយធម៌ទៅវិញទៅមកជាដើម ដែលបង្ហាញពីមូលដ្ឋានគ្រឹះផ្នែកវប្បធម៌តាមរយៈការធ្វើទំនើបកម្មតាមបែបផែនចិន៕
