បរទេស៖យោងតាមការចេញផ្សាយរបស់ RTមេដឹកនាំស្តីទីនៃក្រុមសកម្មប្រយុទ្ធហេបូឡាដែលមានមូលដ្ឋាននៅលីបង់បាននិយាយនៅក្នុងសុន្ទរកថាមួយកាលពីថ្ងៃព្រហស្បតិ៍ថា ក្រុមហេសបូឡា នឹងជួយរដ្ឋាភិបាលស៊ីរីប្រយុទ្ធនឹងក្រុមជីហាដ ហើយកំពុងអំពាវនាវឱ្យបណ្តាប្រទេសអារ៉ាប់គាំទ្រទីក្រុងដាម៉ាសនៅក្នុងការប្រយុទ្ធរបស់ខ្លួន។
លោក Naim Qassem បានអះអាងថា៖ការឈ្លានពានលើប្រទេសស៊ីរីត្រូវបានឧបត្ថម្ភដោយអាមេរិក និងអ៊ីស្រាអែលដោយបន្ថែមថាពួកអ៊ិស្លាមតែងតែជាឧបករណ៍របស់ពួកគេតាំងពីឆ្នាំ ២០១១ ដែលជាពេលដែលបញ្ហាបានចាប់ផ្តើមនៅស៊ីរី។
ប្រទេសនេះបានធ្លាក់ចូលទៅក្នុងសង្រ្គាមអូសបន្លាយនៅក្នុងឆ្នាំ២០១១ខណៈដែលក្រុមប្រឆាំងរដ្ឋាភិបាលជាច្រើនបានព្យាយាមផ្តួលរំលំរដ្ឋាភិបាលរបស់ប្រធានាធិបតី Bashar Assad ។ កងកម្លាំងជីហាដ Jihadist ជាពិសេសអ្នកដែលជួលអ្នកប្រយុទ្ធបរទេសជួយផ្នែកយោធាពីបរទេសបានលេចចេញជាតួអង្គលេចធ្លោក្នុងចំណោមក្រុមប្រឆាំង។
ប្រទេសរុស្ស៊ីបានធ្វើអន្តរាគមន៍ក្នុងអរិភាពក្នុងឆ្នាំ ២០១៥ ដោយផ្តល់កម្លាំងទ័ពអាកាសដល់ក្រុងដាម៉ាសហើយ កងកម្លាំងរបស់លោក Assad បានស្ដារការគ្រប់គ្រងលើប្រទេសភាគច្រើនឡើងវិញ ប៉ុន្តែកន្លែងខ្លះ រួមទាំងខេត្ត Idlib ក្បែរព្រំដែនតួគី នៅតែស្ថិតនៅក្រៅផ្លូវរបស់ខ្លួននៅឡើយ។
គួរឲ្យដឹងដែរថាស្ថានការណ៍កាន់តែយ៉ាប់យ៉ឺនកាលពីសប្តាហ៍មុន នៅពេលដែលក្រុមភេរវករ Hayat Tahrir-al-Sham (HTS) (ពីមុនត្រូវបានគេស្គាល់ថាជាសាខារបស់អាល់កៃដា Jabhat al-Nusra) និងសម្ព័ន្ធមិត្តរបស់ខ្លួនបានបើកការវាយប្រហារដ៏គួរឱ្យភ្ញាក់ផ្អើលទ្រង់ទ្រាយធំមួយនៅភាគពាយព្យនៃប្រទេស។
ប្រែសម្រួល៖ស៊ុនលី
