បរទេស៖យោងតាមការចេញផ្សាយរបស់ RT ប្រធានាធិបតីហ្វាំងឡង់ Alexander Stubb បានព្រមានថា បណ្តាប្រទេសសហភាពអឺរ៉ុប គួរតែជៀសវាងការសម្រេចចិត្តយ៉ាងប្រញាប់ប្រញាល់ អំពីការបញ្ជូនបេសកកម្មរក្សាសន្តិភាពទៅកាន់អ៊ុយក្រែន។
ការលើកឡើងរបស់គាត់ធ្វើឡើងនៅក្នុងពេល ដែលកំពុងនិយាយនៅក្នុងកិច្ច ប្រជុំកំពូលកិច្ចសហប្រតិបត្តិការការពារជាតិនៅទីក្រុង Tallinn ជាកន្លែងដែលជម្លោះរវាងទីក្រុងមូស្គូ និងទីក្រុងគៀវ គឺជារបៀបវារៈកំពូល។
មេដឹកនាំសហភាពអឺរ៉ុប មួយចំនួនកាលពីមុនបានបង្ហាញអំពីគំនិត នៃប្រតិបត្តិការរក្សាសន្តិភាពដែលអាចកើតមាននៅក្នុងប្រទេសអ៊ុយក្រែនបន្ទាប់ ពីសន្តិភាពជាមួយរុស្ស៊ីត្រូវបានសម្រេចជាយថាហេតុ។
យោងតាមលោក Stubb ទោះជាយ៉ាងណាក៏ដោយ ប្រតិបត្តិការបែបនេះមិនមែនជាជម្រើសជាក់ស្តែងទេ ព្រោះវាត្រូវការទាហានរាប់រយពាន់នាក់ ហើយអាចបណ្តាលឱ្យមានការកើនឡើងនៃជម្លោះនេះទៅវិញនោះទេ។
លោក Stubb បានព្រមានមុនពេលចាប់ផ្តើមការ ពិភាក្សាកាលពីថ្ងៃអង្គារថា៖ យើងមិនគួរនាំមុខខ្លួនយើងទេ ដូចដែលបានដកស្រង់ដោយសារព័ត៌មានហ្វាំងឡង់ Yle ។ លោកបានកត់សម្គាល់ថា បេសកកម្មរក្សាសន្តិភាពគឺផ្អែកលើច្បាប់អន្តរជាតិ ហើយទាមទារឱ្យមានដំណោះស្រាយសន្តិភាព និងអាណត្តិរបស់អង្គការសហប្រជាជាតិប៉ុណ្ណោះ៕
ប្រែសម្រួល៖ស៊ុនលី
