តូក្យូ៖ រដ្ឋាភិបាល នឹងចងក្រងថវិកាដំបូងចំនួន ១១៥,៥ទ្រីលានយ៉េន (៧៣៤ ពាន់លានដុល្លារ) សម្រាប់សារពើពន្ធឆ្នាំ២០២៥ ខណៈដែលការចំណាយលើវិស័យការពារជាតិ និងសន្តិសុខសង្គមនៅតែបន្តកើនឡើង ខណៈដែលការចំណាយលើសេវាបំណុលក៏មានទម្ងន់លើហិរញ្ញវត្ថុសាធារណៈរបស់ប្រទេសជប៉ុនផងដែរ។
សេចក្តីព្រាងថវិកាគណនីទូទៅសម្រាប់ឆ្នាំដែលចាប់ផ្តើមក្នុងខែមេសានឹងលើសពីកំណត់ត្រាមុនចំនួន ១១៤,៣៨ទ្រីលានយ៉េនសម្រាប់សារពើពន្ធ ២០២៣។ ចំណូលពន្ធសម្រាប់ឆ្នាំសារពើពន្ធថ្មី ត្រូវបានប៉ាន់ប្រមាណថា មានចំនួនប្រហែល ៧៨,៤ទ្រីលានយ៉េន ដែលជាកំណត់ត្រាខ្ពស់សម្រាប់រយៈពេល ៦ឆ្នាំជាប់ៗគ្នា។
ថ្វីបើប្រាក់ចំណូលមានកំណត់ត្រាដែលអាចកើតមានក៏ដោយ រដ្ឋាភិបាលគ្រោងនឹងបោះផ្សាយមូលបត្របំណុលថ្មីដែលមានតម្លៃ ២៨,៦ទ្រីលានយ៉េន ដែលនឹងបន្ថែមសម្ពាធលើសារពើពន្ធរបស់ប្រទេស ដែលជាស្ថានភាពដ៏អាក្រក់បំផុតក្នុងចំណោមប្រទេស ដែលមានសេដ្ឋកិច្ចជឿនលឿនធំៗ។
យោងតាមប្រភពបានឱ្យដឹងថា ការចំណាយលើសន្តិសុខសង្គម នឹងកើនឡើងដល់ប្រហែល ៣៨,៣ ទ្រីលានយ៉េន ដោយសារប្រជាជនវ័យចំណាស់របស់ប្រទេសនេះ ខណៈដែលការចំណាយសម្រាប់ការពង្រឹងសមត្ថភាពការពារជាតិនឹងកើនឡើងដល់ប្រហែល ៨,៥ទ្រីលានយ៉េន។
នាយករដ្ឋមន្ត្រីជប៉ុនលោក Shigeru Ishiba បានឲ្យដឹងថា ខុទ្ទកាល័យរបស់លោកនឹងអនុម័តសេចក្តីព្រាងថវិកានៅថ្ងៃសុក្រ មុនពេលបញ្ជូនវាទៅកាន់សភា នេះបើយោងតាមការចុះផ្សាយរបស់ទីភ្នាក់ងារសារព័ត៌មានក្យូដូជប៉ុន។
បន្ទាប់ពីបាត់បង់សំឡេងភាគច្រើននៅក្នុងសភាបន្ទាប់ពីការបោះឆ្នោតសកលនៅខែតុលា រដ្ឋាភិបាលចម្រុះដែលដឹកនាំដោយគណបក្សប្រជាធិបតេយ្យសេរីរបស់លោក Ishiba អាចត្រូវបានបង្ខំឱ្យកែប្រែសេចក្តីព្រាងច្បាប់នេះ ដើម្បីឆ្លើយតបទៅនឹងសំណើរបស់គណបក្សប្រឆាំង៕
ប្រែសម្រួល ឈូក បូរ៉ា
