តូក្យូ ៖ រដ្ឋាភិបាលបាននិយាយកាលពីថ្ងៃសុក្រថា ថវិកាការពារជាតិ របស់ប្រទេសជប៉ុន បានកើនឡើងដល់កំណត់ត្រា ៧,៨០ទ្រីលានយ៉េន (៥៥ពាន់លានដុល្លារ) សម្រាប់សារពើពន្ធឆ្នាំ២០២៥ ខណៈដែលប្រទេសនេះ បន្តពង្រឹងសមត្ថភាពរបស់ខ្លួន ក្នុងការដោះស្រាយការគំរាមកំហែង ក្នុងតំបន់ចំពេលមានការកសាងយោធា យ៉ាងឆាប់រហ័សរបស់ចិន និងទំនាក់ទំនង ដែលកំពុងកើនឡើង របស់កូរ៉េខាងជើងជាមួយរុស្ស៊ី ។
សេចក្តីព្រាងថវិកានេះ បានកត់សម្គាល់ការកើនឡើង ចំនួន ១៣ឆ្នាំជាប់ៗគ្នា ដែលលើសពីកំណត់ត្រាមុនចំនួន ៧,៩ពាន់ពាន់លានយ៉េនដែលត្រូវបានសម្គាល់ក្នុងឆ្នាំបច្ចុប្បន្ន នេះបើយោងតាមការចុះផ្សាយ របស់ទីភ្នាក់ងារសារព័ត៌មានក្យូដូជប៉ុន។
ខុទ្ទកាល័យនាយករដ្ឋមន្ត្រីលោក Shigeru Ishiba បានអនុម័តនៅថ្ងៃតែមួយនូវសេចក្តីព្រាងថវិការដ្ឋដំបូងសម្រាប់ឆ្នាំដែលចាប់ផ្តើមខែមេសាក្រោយដែលមានតម្លៃ ១១៥,៦៤ទ្រីលានយ៉េន ដែលជាកំណត់ត្រាខ្ពស់ផងដែរ រួមទាំងវិស័យការពារជាតិ និងការចំណាយផ្សេងៗទៀត។
ថវិកាការពារជាតិកើតឡើង នៅពេលដែលប្រទេសជប៉ុន ចូលដល់ឆ្នាំទី៣ នៃផែនការ ៥ឆ្នាំរបស់ខ្លួន ដើម្បីពង្រឹងសមត្ថភាព នៃកងកម្លាំងស្វ័យការពាររបស់ខ្លួន។
ផែនការនេះសង្កត់ធ្ងន់លើសមត្ថភាព ការពារការប្រឈមមុខដាក់គ្នា ឬគោលដៅចូលរួមពីខាងក្រៅជួរ នៃការវាយប្រហាររបស់សត្រូវ ក៏ដូចជាការទទួលបានឧត្តមភាព នៅទូទាំងដែនជាមួយនឹងប្រព័ន្ធគ្មានមនុស្ស បើកក្នុងកិច្ចសហប្រតិបត្តិការជាមួយសម្ព័ន្ធមិត្ត និងប្រទេស ដែលមានគំនិតដូចគ្នា៕
ប្រែសម្រួល ឈូក បូរ៉ា
