បរទេស៖ ក្រសួងយុត្តិធម៌សហរដ្ឋអាមេរិក បានប្រឆាំងនឹងការដោះលែងបុរសដែលរស់នៅរដ្ឋ Virginia អាយុ ៣៦ ឆ្នាំដែលផ្ទះរបស់គាត់ត្រូវបានវាយឆ្មក់នៅពាក់កណ្តាលខែធ្នូដែលជាលទ្ធផលដែលរដ្ឋអាជ្ញាសហព័ន្ធបានពិពណ៌នាថាជា “ការរឹបអូសគ្រឿងផ្ទុះដែលផលិតនៅក្នុងស្រុកដ៏ធំបំផុតនៅក្នុងប្រវត្តិសាស្ត្រ FBI” ។
យោងតាមសារព័ត៌មាន RT ចេញផ្សាយនៅថ្ងៃទី១ ខែមករា ឆ្នាំ២០២៥ បានឱ្យដឹងថា ភ្នាក់ងារសហព័ន្ធបានចាប់ខ្លួន លោក Brad Spafford នៅកសិដ្ឋានរបស់គាត់នៅ Smithfield នៅថ្ងៃទី១៧ ខែធ្នូបន្ទាប់ពីការវាយឆ្មក់ចូលផ្ទះលោកដោយផ្អែកលើពាក្យបណ្តឹងព្រហ្មទណ្ឌដែលចោទប្រកាន់ថា គាត់មានកាំភ្លើងខ្លីធុងខ្លីដែលមិនបានចុះបញ្ជី។
ក្នុងអំឡុងពេលស្វែងរក ភ្នាក់ងារ FBI បានរកឃើញឃ្លាំងផ្ទុកគ្រឿងផ្ទុះ ដែលខ្លះត្រូវបានសម្គាល់ថា ជា “អាវុធធុនធ្ងន់” ដែលរក្សាទុកជាចម្បងនៅក្នុងយានដ្ឋានដាច់ដោយឡែកមួយ ខណៈដែលមួយចំនួនត្រូវបានគេអះអាងថា “បានផ្ទុកជាមុនចូលទៅក្នុងអាវកាក់ដែលអាចពាក់បាន” ។ ឧបករណ៍បន្ថែមត្រូវបានគេរកឃើញនៅក្នុងកាបូបស្ពាយក្នុងបន្ទប់គេងរបស់គាត់ ដែលបង្កប់គ្រាប់បែកដៃ និងឃ្លាថា “#NoLivesMatter” ដែលជាពាក្យជំរុញឱ្យមានហិង្សា។
នៅក្នុងឯកសារ និងសក្ខីកម្មរបស់តុលាការនាពេលថ្មីៗនេះ អ្នកស៊ើបអង្កេតដែលត្រូវបានចាត់តាំងឱ្យក្រុមកិច្ចការភេរវកម្មរួម FBI (JTTF) បានប្រាប់ចៅក្រមសហព័ន្ធថា Spafford បានលាក់ទុកនូវជំនឿប្រឆាំងនឹងរដ្ឋាភិបាល ហើយបានបង្ហាញពីបំណងចង់ “នាំយកមកវិញនូវការធ្វើឃាតផ្នែកនយោបាយ” នេះបើយោងតាម Court Watch ៕
ប្រែសម្រួលៈ ណៃ តុលា
