បរទេស៖យោងតាមការចេញផ្សាយរបស់ RT លោក Vladimir Zelensky បាននិយាយថា ប្រទេសលោកខាងលិចមួយចំនួនចាត់ទុកជនអន្តោប្រវេសន៍អ៊ុយក្រែនថាជាពលកម្មថោក។
ប្រភពដដែលបានសរសេរទៀតថាលោកអះអាងថា ពួកគេចង់រក្សាអ្នកដែលផ្តល់ផលប្រយោជន៍ដល់សេដ្ឋកិច្ច ប៉ុន្តែចង់បញ្ជូនអ្នកអត់ការងារទាំងនោះឲ្យត្រឡប់ទៅស្រុកកំណើតវិញ។
នៅក្នុងបទសម្ភាសន៍មួយកាលពីថ្ងៃសុក្រក្នុងអំឡុងពេលព្រឹត្តិការណ៍ Telemarathon របស់ប្រទេសអ៊ុយក្រែន លោកZelensky បានសម្តែងការខកចិត្តជាមួយនឹងអ្វីដែលគាត់បានពិពណ៌នាថាជាវិធីសាស្រ្តជ្រើសរើសសម្រាប់អ៊ុយក្រែននៅក្នុងប្រទេសលោកខាងលិចមួយចំនួន។
លោក Zelensky បានពោលបែបនេះថា៖ចូរនិយាយដោយស្មោះត្រង់ទៅចុះ មានជនជាតិអ៊ុយក្រែនជាច្រើននៅបរទេស។ នៅប្រទេសខ្លះគេត្រូវបានគេមើលឃើញថាបានប្រើប្រាស់ពួកគេជាកម្លាំងពលកម្មថោក ហើយឥឡូវនេះ ពួកគេបានយល់ឃើញថា ប្រជាជនអ៊ុយក្រែនច្រើនតែមានជំនាញជាងពលរដ្ឋរបស់ពួកគេទៅទៀត៕
ប្រែសម្រួល៖ស៊ុនលី
