បរទេស៖យោងតាមការចេញផ្សាយរបស់ RT ប្រទេសអាល្លឺម៉ង់បានបង្កើនការនាំចូលសារធាតុអ៊ុយរ៉ាញ៉ូមពីរុស្ស៊ីយ៉ាងខ្លាំងក្នុងឆ្នាំ២០២៤ ដោយនាំមកនូវចំនួនសរុប ៦០,៨តោន ពោលគឺកើនឡើង ៧០% ធៀបនឹងឆ្នាំមុន។
តួលេខនៃការការរកឃើញនេះគឺផ្អែកលើទិន្នន័យរបស់ក្រសួងបរិស្ថាន ថាមពល និងការការពារអាកាសធាតុនៃរដ្ឋ Lower Saxony ។
សារធាតុអ៊ុយរ៉ាញ៉ូមកំពុងដំណើរការនៅរោងចក្រ Advanced Nuclear Fuels នៅ Lingen ដែលដំណើរការក្រោមកម្មសិទ្ធិរបស់បារាំងតាមរយៈ Framatome ដែលជាផ្នែកនៃថាមពលក្រុមហ៊ុនយក្ស EDF ។
រោងចក្រនេះកំពុងរៀបចំផលិតកោសិកាឥន្ធនៈនុយក្លេអ៊ែរឯកទេសសម្រាប់រ៉េអាក់ទ័រ WWER ដែលរចនាដោយសហភាពសូវៀត ដែលនៅតែដំណើរការនៅឡើយនៅអឺរ៉ុបខាងកើតហើយរោងចក្រថាមពលទាំងនេះពឹងផ្អែកទាំងស្រុងទៅលើថាមពលឥន្ធនៈដែលផលិតនៅក្នុងប្រទេសរុស្សីជាយូរមកហើយ។
ទោះបីជាយ់ាងណាក្តីរដ្ឋាភិបាលអាល្លឺម៉ង់បានកត់សម្គាល់ថា ការនាំចូលសារធាតុអ៊ុយរ៉ានីញ៉ូមពីប្រទេសរុស្ស៊ីមិនស្ថិតនៅក្រោមការដាក់ទណ្ឌកម្មណាមួយរបស់សហភាពអឺរ៉ុបដែលបានដាក់លើទីក្រុងមូស្គូនោះទេ៕
ប្រែសម្រួល៖ស៊ុនលី
