យ៉ាំងហ្គោន ៖ ក្រុមប្រឹក្សារដ្ឋបាលរដ្ឋ របស់ប្រទេសមីយ៉ាន់ម៉ា បានលើកលែងទោសអ្នកទោសប្រមាណ ៦,០០០នាក់ ដើម្បីប្រារព្ធខួបលើកទី៧៧ នៃទិវាបុណ្យឯករាជ្យជាតិ របស់ប្រទេសនេះ។
ក្រុមប្រឹក្សាសណ្ដាប់ធ្នាប់បានឲ្យដឹងដា អ្នកទោសដែលត្រូវបាន លើកលែងទោសរួមមាន ៥,៨៦៤ នាក់មកពីប្រទេសមីយ៉ាន់ម៉ា និង ១៨០ នាក់មកពីប្រទេសដទៃទៀត ក្នុងនោះក្រុមប្រឹក្សា ក៏បានកាត់បន្ថយទោសទណ្ឌិតមួយចំនួនផងដែរ ។
យោងតាមការចុះផ្សាយរបស់ទីភ្នាក់ងារ សារព័ត៌មានចិនស៊ិនហួបានឲ្យដឹងថា កាលពីឆ្នាំមុន អ្នកទោសជាង ៩ពាន់នាក់ត្រូវបានគេលើកលែងទោស ក្នុងឱកាសខួបថ្ងៃបុណ្យឯករាជ្យជាតិលើកទី៧៦ ៕
