បរទេស៖ ទីភ្នាក់ងារប្រឆាំង អំពើពុករលួយ និងប៉ូលិសកូរ៉េខាងត្បូង កាលពីថ្ងៃចន្ទបានពិភាក្សាគ្នា អំពីវិធានការដ៏ខ្លាំង ក្លាបន្ថែមទៀត ដើម្បីឃុំខ្លួនប្រធានាធិបតី ដែលត្រូវបានចោទប្រកាន់គឺលោក Yoon Suk Yeol បន្ទាប់ពីការប៉ុនប៉ងពីមុន របស់ពួកគេត្រូវបានរារាំង ដោយសេវាសន្តិសុខប្រធានាធិបតី កាលពីសប្តាហ៍មុន។
យោងតាមសារព័ត៌មាន AP ចេញផ្សាយ កាលពីថ្ងៃទី៦ ខែមករា ឆ្នាំ២០២៥ បានឱ្យដឹងថា ការពិភាក្សាបានគូសបញ្ជាក់ ពីឧបសគ្គដែលកំពុង ប្រឈមមុខនឹងការ ស៊ើបអង្កេតឧក្រិដ្ឋកម្ម នៅក្នុងក្រឹត្យច្បាប់អាជ្ញាសឹកថ្ងៃទី៣ ខែធ្នូរបស់លោក Yoon ដែលនាំទៅដល់ការចោទ ប្រកាន់លើរូបលោកនៅថ្ងៃទី ១៤ ខែធ្នូ ។ ដីកាឃុំខ្លួនរយៈពេលមួយសប្តាហ៍ ត្រូវបានកំណត់ថានឹងផុត កំណត់នៅពាក់កណ្តាលអធ្រាត្រថ្ងៃច័ន្ទ ប៉ុន្តែទីភ្នាក់ងារនេះ បានស្នើសុំដីកាថ្មីរបស់តុលាការទៅពង្រីកពេលវេលា សម្រាប់ការចាប់ខ្លួនលោក Yoon ។
សូមជម្រាបថា តុលាការ ក្រុងសេអ៊ូលខាងលិច កាលពីសប្តាហ៍មុ បានចេញដីកាឃុំខ្លួនលោក Yoon និងដីកាដាច់ ដោយឡែកមួយទៀត ដើម្បីឆែកឆេរលំនៅដ្ឋាន របស់លោកបន្ទាប់ពីគាត់បានផ្គើននឹង អាជ្ញាធរដោយបដិសេធមិនចូលខ្លួន ដើម្បីសាកសួរជុំវិញការ ដណ្តើមអំណាចរយៈពេលខ្លីរបស់លោក។ ការអនុវត្តដីកាទាំងនោះមានភាព ស្មុគស្មាញដរាបណា លោក Yoon នៅតែនៅក្នុងគេហដ្ឋានផ្លូវការរបស់លោក។
លោក Yoon បានពណ៌នា ការដណ្តើមអំណាចរបស់លោកថា ជាសកម្មភាពចាំបាច់ នៃអភិបាល កិច្ចប្រឆាំងនឹងក្រុមប្រឆាំង សេរីដែលធ្វើឲ្យខូចរបៀបវារៈរបស់លោកជាមួយនឹងភាគច្រើននៃនីតិបញ្ញត្តិ ហើយបានប្តេជ្ញាថា នឹង “តស៊ូដល់ទីបញ្ចប់” ប្រឆាំងនឹងកិច្ចខិតខំប្រឹងប្រែងដើម្បីបណ្តេញលោកចេញ។ ខណៈពេលដែលច្បាប់អាជ្ញាសឹក មានរយៈពេលតែប៉ុន្មាន ម៉ោងប៉ុណ្ណោះនោះ វាបានលុបបំបាត់ភាពចលាចល ដែលបានរង្គោះរង្គើ ដល់នយោបាយ ការទូត និងទីផ្សារហិរញ្ញវត្ថុ របស់ប្រទេស អស់ជាច្រើនសប្តាហ៍ ហើយបានលាតត្រដាង ភាពផុយស្រួយ នៃលទ្ធិប្រជាធិបតេយ្យ របស់ប្រទេស កូរ៉េខាងត្បូង ខណៈដែលសង្គមមានភាព ផុយស្រួយយ៉ាងខ្លាំង ៕
ប្រែសម្រួលៈ ណៃ តុលា
