ឡូសអ៊ែនជីឡេស៖ នៅទីបំផុតក្រុមអ្នកពន្លត់អគ្គីភ័យបានចាប់ផ្តើមគ្រប់គ្រងលើភ្លើងឆេះព្រៃធំៗចំនួន២ ដែលបានកើតឡើងនៅតំបន់ភាគខាងកើត និងខាងលិចនៃទីក្រុងឡូសអ៊ែនជីឡេស បានហើយ កាលពីថ្ងៃសុក្រ ខណៈខ្យល់បក់បោកខ្លាំងដែលឆាបឆេះអស់រយៈពេលជាច្រើនថ្ងៃនៅទីបំផុតបានធូរស្រាលវិញហើយ ។
ភ្លើងឆេះព្រៃចំនួន៦ កន្លែងកើតឡើងនៅក្នុងពេលដំណាលគ្នាបានបំផ្លិចបំផ្លាញសង្កាត់ ឡូសអ៊ែនជីឡេស គិតចាប់តាំងពីថ្ងៃអង្គារដោយបានបណ្តាលឲ្យមនុស្សចំនួន ១០នាក់ស្លាប់ និងបំផ្លាញសំណង់ជិត ១០.០០០ខ្នង ដោយតួលេខទាំងនោះត្រូវបានគេរំពឹងថា នឹងកើនឡើងថែមទៀត ។
ករណីអគ្គីភ័យខាងលើបានធ្វើឲ្យមនុស្សរាប់ពាន់នាក់គ្មានផ្ទះសម្បែង និងផ្សែងហុយឡើងខ្លាំង ដែលនាំឱ្យមន្ត្រីសហរដ្ឋអាមេរិកប្រកាសអាសន្នផ្នែកសុខភាពសាធារណៈ ហើយក្រុមអ្នកពន្លត់អគ្គីភ័យបានរាយការណ៍ពីវឌ្ឍនភាពក្នុងការចាប់ខ្លួន Palisades Fire នៅភាគខាងលិចនៃទីក្រុង ហើយភ្លើង Eaton Fire កើតឡើងងនៅជើងភ្នំភាគខាងកើតនៃទីក្រុងដ៏ធំទូលាយមួយនេះ ។
បន្ទាប់ពីការឆេះអស់ជាច្រើនថ្ងៃ ទោះបីជាមានការខិតខំប្រឹងប្រែងរបស់អ្នកពន្លត់អគ្គីភ័យរាប់រយនាក់បានព្យាយាមពន្លត់ទៅលើអណ្តាតភ្លើងពីលើអាកាស និងនៅលើដីក៏ដោយ ភ្លើងឆេះព្រៃ Palisades ត្រូវបានគ្រប់គ្រងបានត្រឹមតែ៨ ភាគរយប៉ុណ្ណោះ និងភ្លើងឆេះព្រៃ Eaton Fire បានតែ៣ភាគរយ ។ ក្រុម Cal Fire បានបញ្ជាក់ថា កម្រិតនៃការទប់ស្កាត់ទាំង២តំបន់គឺ 0ភាគរយរហូតដល់ថ្ងៃសុក្រនេះ ៕
ប្រែសម្រួលដោយ៖ ម៉ៅ បុប្ផាមករា
