បរទេស៖ លោក Donald Trump បានលើកលែងទោសដល់ អ្នកគាំទ្ររបស់លោកប្រហែល ១.៥០០នាក់ដែលបានវាយប្រហារវិមាន Capitol របស់សហរដ្ឋអាមេរិកកាលពី៤ឆ្នាំមុន ខណៈដែលលោកបានផ្លាស់ប្តូរ យ៉ាងឆាប់រហ័សដើម្បីដាក់ឆន្ទៈ លើរដ្ឋាភិបាលសហរដ្ឋអាមេរិកត្រឹមតែប៉ុន្មានម៉ោង បន្ទាប់ពីការដណ្តើមតំណែងប្រធានាធិបតី ឡើងវិញកាលពីថ្ងៃចន្ទ។
យោងតាមសារព័ត៌មាន រ៉យទ័រ ចេញផ្សាយនៅថ្ងៃទី២១ ខែមករា ឆ្នាំ២០២៥ បានឱ្យដឹងថា បន្ទាប់ពីមួយថ្ងៃនៃពិធី លោក Trump បានចុះហត្ថលេខាលើវិធានប្រតិបត្តិជាបន្តបន្ទាប់ ដើម្បីទប់ស្កាត់ការធ្វើអន្តោប្រវេសន៍ និងលុបចោលបទប្បញ្ញត្តិបរិស្ថាន និងគំនិតផ្តួចផ្តើមភាពចម្រុះជាតិសាសន៍ និងយេនឌ័រ។ លោកមិនបានចាត់វិធានការភ្លាមៗដើម្បីដំឡើងពន្ធ ដែលជាការសន្យានៃយុទ្ធនាការសំខាន់នោះទេ ប៉ុន្តែបាននិយាយថា លោកអាចដាក់ពន្ធ ២៥ភាគរយ លើប្រទេសកាណាដា និងម៉ិកស៊ិកនៅថ្ងៃទី ១ ខែកុម្ភៈ។
ទាំងនោះបានធ្វើឱ្យប្រាក់ប៉េសូម៉ិកស៊ិកធ្លាក់ចុះ ១ភាគរយ ធៀបនឹងប្រាក់ដុល្លារ ខណៈដែលប្រាក់ដុល្លារកាណាដាបានធ្លាក់ចុះ ដល់កម្រិតទាបរយៈពេលប្រាំឆ្នាំ។ ដំណឹងនេះក៏បានបង្វែរការកើនឡើង យ៉ាងឆាប់រហ័សនៅក្នុងទីផ្សារភាគហ៊ុនសកល ។
ការសម្រេចចិត្តរបស់ Trump ក្នុងការលើកលែងទោសដល់អ្នកគាំទ្រ ដែលបានវាយប្រហារវិមាន Capitol របស់សហរដ្ឋអាមេរិក កាលពីថ្ងៃទី៦ ខែមករា ឆ្នាំ ២០២១ ប្រាកដណាស់ថានឹងធ្វើឱ្យប៉ូលីស សមាជិកសភា និងអ្នកផ្សេងទៀតដែលមានគ្រោះថ្នាក់ដល់ជីវិត ក្នុងអំឡុងពេលវគ្គដែលមិនធ្លាប់មានពីមុនមក នៅក្នុងប្រវត្តិសាស្ត្រអាមេរិកសម័យទំនើប ៕
ប្រែសម្រួលៈ ណៃ តុលា
