បរទេស៖ យោងតាមការចេញផ្សាយរបស់ RT មន្ត្រីជាន់ខ្ពស់ក្នុងតំបន់ លោក Denis Pushilin បាននិយាយកាលពីថ្ងៃសៅរ៍ថា យោធាអ៊ុយក្រែនបានបើកការវាយប្រហារដោយមីស៊ីលតម្រង់ទៅលើកណ្តាលទីក្រុង Makeevka នៃសាធារណរដ្ឋប្រជាមានិត Donetsk (DPR) របស់ប្រទេសរុស្ស៊ី។
មន្ត្រីដដែលរូបនេះបានបន្តថា ការវាយប្រហារនេះបានវាយប្រហារតំបន់លំនៅឋានមួយកន្លែងហើយជាលទ្ធផលបណ្តាលឲ្យមានមនុស្ស០១នាក់ស្លាប់ និង១០នាក់ទៀតរងរបួស។
លោកPushilin បាននិយាយនៅក្នុងសេចក្តីថ្លែងការណ៍មួយដែលបានចេញផ្សាយនៅលើបណ្តាញ Telegram ផ្លូវការរបស់គាត់ថា ប្រព័ន្ធការពារដែនអាកាសរបស់រុស្ស៊ីអាចស្ទាក់ចាប់មីស៊ីលអ៊ុយក្រែនបាន ប៉ុន្តែបំណែករបស់វានៅតែធ្លាក់ក្នុងសង្កាត់កណ្តាលទីក្រុង។
លោកបានបន្ថែមថា ប្លុកផ្ទះល្វែងមួយចំនួន ព្រមទាំងរថយន្ត ១៥ គ្រឿងបានរងការខូចខាតក្នុងការវាយប្រហារទៅលើទីក្រុង Makeevka ត្រូវបានគេស្គាល់ថាគឺជាតំបន់ជាយក្រុងភាគខាងកើតនៃរដ្ឋធានី Donetsk។
គួរឲ្យដឹងដែរថាប្រទេសរុស្ស៊ីតែងតែបានចោទប្រកាន់អ៊ុយក្រែនជាញឹកញាប់តែងតែបានបើកការវាយប្រហារលើគោលដៅជនស៊ីវិលចំពេលមានជម្លោះដែលកំពុងកើតឡើងរវាងក្រុងមូស្គូ និងក្រុងគៀវ៕
ប្រែសម្រួល៖ ស៊ុនលី
