បរទេស៖ យោងតាមការចេញផ្សាយរបស់ RT បេសកជនពិសេសរបស់សហរដ្ឋអាមេរិក លោក Keith Kellogg បាននិយាយកាលពីថ្ងៃសៅរ៍នៅឯសន្និសីទសន្តិសុខទីក្រុង Munich ថា សហភាពអឺរ៉ុបប្រហែលជាមិនមានតុសម្រាប់អង្គុយនៅពេលដែលសហរដ្ឋអាមេរិក ជួបពិភាក្សាជាមួយរុស្ស៊ីអំពីអ៊ុយក្រែននោះទេ។
លោក Kellogg បានបញ្ជាក់ដូចដែលបានដកស្រង់ដោយ CNBCថា៖ ផលប្រយោជន៍របស់ភាគីពាក់ព័ន្ធផ្សេងទៀតនឹងត្រូវយកមកពិចារណា។លោកបានបន្ថែមថា៖ អ្វីដែលយើងមិនចង់ធ្វើគឺចូលទៅក្នុងការពិភាក្សាជាក្រុមធំ ។
ប្រធានាធិបតីរុស្ស៊ី លោក Vladimir Putin និងសមភាគីអាមេរិក លោក Donald Trump បានពិភាក្សាគ្នាអំពីការចរចាអ៊ុយក្រែនដែលអាចកើតមាន ក្នុងអំឡុងពេលការសន្ទនាតាមទូរស័ព្ទកាលពីថ្ងៃពុធ។
បន្ទាប់ពីការសន្ទនា លោក Trump បាននិយាយថា មន្ត្រីអាមេរិក និងរុស្ស៊ីនឹងជួបប្រជុំគ្នានៅទីក្រុង Munich នៅថ្ងៃសុក្រ ដោយអ៊ុយក្រែនក៏បានអញ្ជើញឱ្យចូលរួមផងដែរប៉ុន្តែ ទោះយ៉ាងណាក៏មិនមានការប្រជុំបែបនេះត្រូវបានប្រកាសដោយសន្និសីទឬប្រព័ន្ធផ្សព្វផ្សាយដែរ។
នៅពេលត្រូវបានសួរថាតើគាត់អាចដាក់ឈ្មោះតម្រូវការសម្រាប់ការធានាសុវត្ថិភាពដែលអាចទុកចិត្តបានសម្រាប់អ៊ុយក្រែននោះ Kellogg បានឆ្លើយតបថា ចម្លើយនៅពេលនេះគឺទេ ដោយកត់សម្គាល់ថាគាត់កំពុងចូលរួមក្នុងសន្និសីទទីក្រុង Munich ដើម្បីប្រមូលការយល់ដឹងពីអ៊ុយក្រែន និងអឺរ៉ុបហើយលោកយល់ឃើញថា ជួនកាលសហរដ្ឋអាមេរិកមាននិន្នាការមើលបញ្ហាតែមួយគត់ពីទស្សនៈរបស់ខ្លួនុ៕
ប្រែសម្រួល៖ ស៊ុនលី
