យន្តហោះដឹកអន្តោប្រវេសខុសច្បាប់ ឥណ្ឌាទី៣ ធ្វើដំណើរទៅដល់ស្រុកកំណើត ជាមួយនឹងពលរដ្ឋឥណ្ឌា ១១២នាក់

បរទេស៖ យោងតាមការចេញផ្សាយរបស់ RT យន្តហោះអាមេរិកមួយគ្រឿង ដឹកជនជាតិឥណ្ឌាក្រុមទីបីដែលនិរទេស ចេញពីសហរដ្ឋអាមេរិកបានចុះចតនៅទីក្រុង Amritsar រដ្ឋ Punjab ភាគខាងជើងប្រទេសឥណ្ឌាហើយកាលពីថ្ងៃអាទិត្យ។

យន្តហោះទី៣ បានរៀបចំឡើងប៉ុន្មានថ្ងៃបន្ទាប់ពី នាយករដ្ឋមន្ត្រីឥណ្ឌា Narendra Modi បានធ្វើដំណើរទៅកាន់ទីក្រុងវ៉ាស៊ីនតោន ដើម្បីជួបជាមួយប្រធានាធិបតីអាមេរិក Donald Trump ដែលបានសន្យាថានឹងមានការនិរទេស មនុស្សរាប់លាននាក់នៅក្នុងអាណត្តិទីពីររបស់គាត់។

យោងតាមរបាយការណ៍ប្រព័ន្ធផ្សព្វផ្សាយ ក្នុងស្រុកបានឱ្យដឹងថា ជើងហោះហើរនេះមានមនុស្សប្រហែល១១២ នាក់ដោយជាជនជាតិឥណ្ឌា ដែលមានប្រភពភាគច្រើនមកពីរដ្ឋ Haryana ភាគខាងជើងខណៈពេលដែលអ្នកនិរទេស ៤៤នាក់មកពីរដ្ឋ Haryana ៣៣នាក់មកពីរដ្ឋ Gujarat (រដ្ឋកំណើតរបស់លោក Modi) និង៣១ នាក់មកពី Punjab និង នៅសល់គឺមកពីរដ្ឋផ្សេងទៀត។

ប្រភពដដែលបានឲ្យដឹងទៀតថា អ្នកនិរទេសនឹងត្រូវបានអនុញ្ញាតឱ្យត្រឡប់ ទៅផ្ទះរបស់ពួកគេវិញបន្ទាប់ពីបញ្ចប់ នីតិវិធីចាំបាច់ទាំងអស់ រួមទាំងដំណើរការអន្តោប្រវេសន៍ ការផ្ទៀងផ្ទាត់ និងការត្រួតពិនិត្យនានា៕

ប្រែសម្រួល៖ ស៊ុន លី