ប៊ែរឡាំង៖ អធិការបតីអាល្លឺម៉ង់ លោក Olaf Scholz និងប្រធានាធិបតីបារាំង លោក អេម៉ានុយអែល ម៉ាក្រុង បានអះអាងជាថ្មីថា ការចរចាសន្តិភាពណាមួយ ទាក់ទងនឹង ជម្លោះក្នុងប្រទេសអ៊ុយក្រែន ត្រូវតែមានការចូលរួមយ៉ាង ពេញលេញជាមួយ រដ្ឋាភិបាលអ៊ុយក្រែន។
ក្នុងអំឡុងពេលកិច្ចប្រជុំនៅទីក្រុងប៊ែរឡាំង មេដឹកនាំទាំងពីរ បានគូសបញ្ជាក់ អំពីការគាំទ្រឥតងាករេ របស់ពួកគេ ចំពោះទីក្រុងគៀវ ដោយសង្កត់ធ្ងន់ថា គ្មានការសម្រេចចិត្តណាមួយអំពីអនាគតរបស់អ៊ុយក្រែន គួរតែត្រូវបានធ្វើឡើង “លើក្បាល” របស់ប្រជាជនអ៊ុយក្រែននោះទេ។ ពមេដឹកនាំទាំងពីរ បានអំពាវនាវឱ្យមាន«សន្តិភាពដែលមានភាពយុត្តិធម៌ និងស្ថិតស្ថេរ»។
កិច្ចពិភាក្សារបស់ពួកគេបានធ្វើឡើងមុនកិច្ចប្រជុំកំពូលក្រុមប្រឹក្សា អឺរ៉ុបនៅទីក្រុងប្រ៊ុចសែល នៅចុងសប្តាហ៍នេះ ដែលអ៊ុយក្រែន ការការពារអឺរ៉ុប និងការប្រកួតប្រជែងផ្នែក សេដ្ឋកិច្ចនឹងក្លាយជាប្រធាន បទសំខាន់នៃការពិភាក្សា។ លោកScholz បានឲ្យដឹង នៅក្នុងសន្និសីទសារព័ត៌មានរួមគ្នាថា “យើងស្ថិតនៅក្នុងកិច្ចព្រមព្រៀងពេញលេញ ដែលអ៊ុយក្រែនអាចពឹង ផ្អែកលើយើង” ។
ដោយសំដៅលើការហៅទូរស័ព្ទរវាងប្រធានាធិបតីអាមេរិកលោក ដូណាល់ ត្រាំ និងប្រធានាធិបតីរុស្ស៊ីលោក វ្លាឌីមៀ ពូទីន ទាក់ទងនឹងបទឈប់បាញ់ ក្នុងវិស័យថាមពល និងហេដ្ឋារចនាសម្ព័ន្ធ លោក Scholz បានពណ៌នាថាវាជា “ជំហានសំខាន់ដំបូង” ប៉ុន្តែបានសង្កត់ធ្ងន់លើតម្រូវការ សម្រាប់បទឈប់បាញ់ ពេញលេញឱ្យបាន ឆាប់តាមដែលអាចធ្វើទៅបាន ។
លោក ម៉ាក្រុង បានបន្ទរពីមនោសញ្ចេតនានេះ ដោយបញ្ជាក់ពីការបន្តគាំទ្រ របស់អឺរ៉ុបចំពោះអ៊ុយក្រែន ដើម្បីធានាបាននូវដំណោះស្រាយស្ថិរភាព និងយូរអង្វែង។ លោកបានស្វាគមន៍ការពិភាក្សារវាងលោក ត្រាំ និងលោក ពូទីន ថាជា “ការដើរក្នុងទិសដៅត្រឹមត្រូវ” ។
យោងតាមលោក ម៉ាក្រុង ប្រទេសបារាំង អង់គ្លេស និងអាល្លឺម៉ង់ បានដើរតួនាទីស្ថាបនា ក្នុងការបញ្ចុះបញ្ចូល ប្រធានាធិបតីអ៊ុយក្រែន លោក វូឡូឌីមៀ ពូទីន ឱ្យទទួលយកបទឈប់បាញ់ រយៈពេល ៣០ថ្ងៃដែលបានស្នើឡើង៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
