ទាហានអាមេរិក៣នាក់ ត្រូវបានរកឃើញស្លាប់ នៅក្នុងរថពាសដែក ចំណែកទាហានម្នាក់ទៀតបាត់ខ្លួន ក្នុងប្រទេសទីទុយអានី

បរទេស៖ ទាហានអាមេរិក៣នាក់ ដែលបានបាត់ខ្លួន ក្នុងប្រទេសលីទុយអានី ត្រូវបានរកឃើញស្លាប់ នៅក្នុងរថពាសដែក របស់ពួកគេ ដែលត្រូវបានទាញចេញពីតំបន់វាលភក់កាលពីព្រឹកថ្ងៃចន្ទ នេះបើយោងតាមបញ្ជាការ កងទ័ពអឺរ៉ុប និងអាហ្រ្វិក។ ចំណែកទាហានម្នាក់ទៀត នៅតែបន្តបាត់ខ្លួន។

យោងតាមសារព័ត៌មាន AP ចេញផ្សាយនៅថ្ងៃទី១ ខែមេសា ឆ្នាំ២០២៥ បានឱ្យដឹងថា សាកសពទាហានទាំងបីនាក់ ត្រូវបានរកឃើញ បន្ទាប់ពីកិច្ចខិតខំប្រឹងប្រែង រយៈពេលប្រាំមួយថ្ងៃ ដ៏ធំដោយកងកម្លាំងប្រដាប់ អាវុធសហរដ្ឋអាមេរិក ប៉ូឡូញ និងលីទុយអានី ដើម្បីជីកយករថយន្តពាសដែក M88 Hercules ចេញពីរណ្តៅដីនៅឯទីលានហ្វឹកហាត់ General Silvestras Žukauskas នៅទីក្រុង Pabradė។

កងទ័ពបាននិយាយថា ទាហានកំពុងធ្វើលំហាត់ហ្វឹកហ្វឺន យុទ្ធសាស្ត្រ នៅពេលដែលពួកគេ និងរថយន្តរបស់ពួកគេត្រូវ បានគេរាយការណ៍ថា បានបាត់ខ្លួនកាលពីព្រឹកថ្ងៃអង្គារ។

បញ្ជាការនៅក្នុងសេចក្តីថ្លែងការណ៍ មួយបាននិយាយថា អត្តសញ្ញាណក្រុមប្រយុទ្ធ នៃកងពលតូចរថពាសដែកទី១ ទាហានកងពលធំថ្មើរជើងលេខ៣ កំពុងត្រូវបានរក្សាទុក ដោយរង់ចាំការជូនដំណឹង ពីក្រុមគ្រួសារ៕
ប្រែសម្រួលៈ ណៃ តុលា