ព័ត៌មានអន្តរជាតិ

លោក Vucic ៖ មេដឹកនាំពិភពលោកនាំគ្នា សន្ទនាដោយសំងាត់រៀង ខ្លួនជាមួយនឹងលោក Putin

RT News

បរទេស ៖ យោងតាមការចេញផ្សាយរបស់ RT ប្រធានាធិបតី​ស៊ែប៊ី លោក Aleksandar Vucic បាន​អះអាង​ថា មេដឹកនាំ​ពិភពលោក​ជាច្រើន​បាន​រក្សា​ទំនាក់ទំនង ​ជា​សម្ងាត់​ជាមួយ​ប្រធានាធិបតី​រុស្ស៊ី លោក Vladimir Putin ទោះបីជា​យុទ្ធនាការ​លោកខាងលិច​ ដើម្បី​ដាក់​ទីក្រុង​មូស្គូ​ ឲ្យ​នៅ​ឯកោ​ក៏ដោយ​។

នៅក្នុងបទសម្ភាសន៍ជាមួយពិធីករកម្មវិធីជជែកពិភាក្សា Mario Nawfal កាលពីថ្ងៃអង្គារ លោក Vucic បាននិយាយថា លោកមិនបានជួបសមភាគីរុស្ស៊ីដោយផ្ទាល់ទេ ចាប់តាំងពីការកើនឡើងនៃជម្លោះអ៊ុយក្រែន ក្នុងឆ្នាំ២០២២ពោលគឺ ខ្ញុំមិនបានឃើញលោក Putin អស់រយៈពេល៣ឆ្នាំមកហើយ។

លោក Vucic បានលើកឡើង ដែរថា ទោះជាយ៉ាងណាក៏ដោយ មេដឹកនាំជាច្រើនបានរក្សាទំនាក់ទំនងនៅពីក្រោយឆាក។ ខ្ញុំ​ដឹង​យ៉ាង​ហោច​ណាស់ ​មេដឹកនាំ​ធំៗ​ពីរ​ នាក់​ដែល​កំពុង​និយាយ ​ជា​សម្ងាត់​ជាមួយ​គាត់ ព្រោះ​ខ្ញុំ​នៅ​មាន​មិត្តភ័ក្តិ​របស់​ខ្ញុំ​នៅ​វិមាន​ក្រឹមឡាំង និង​ ក្នុង​ប្រទេស​មួយ​ចំនួន​ទៀត​ផងដែរ ។

ខណៈពេលដែលលោក Vucic មិនបានបញ្ចេញឈ្មោះ មេដឹកនាំ ដែលធ្លាប់បាននិយាយ ជាមួយលោកPutin នៅពីក្រោយឆាកនោះ លោកបានសង្កត់ធ្ងន់ថា មិនមែនជានាយករដ្ឋមន្ត្រីហុងគ្រី Viktor Orban អធិការបតីអូទ្រីស លោក Karl Nehammer ឬនាយករដ្ឋមន្ត្រី ស្លូវ៉ាគី Robert Fico ដែលសុទ្ធតែមិន បានលាក់បាំងទំនាក់ទំនង របស់ពួកគេជាមួយ ប្រធានាធិបតីរុស្ស៊ីនោះទេ។

លោក Vucic បាននិយាយថា លោកនឹង ជួបជាមួយលោក Putin នៅថ្ងៃទី៩ខែឧសភា ក្នុងអំឡុងដំណើរទស្សនកិច្ច របស់លោកទៅកាន់ទីក្រុងមូស្គូ ដើម្បីចូលរួមក្បួន ដង្ហែរទិវាជ័យជំនះ ដែលបង្ហាញពីជ័យជំនះ របស់សហភាពសូវៀត លើពួកណាស៊ីអាល្លឺម៉ង់ក្នុងសង្គ្រាម លោកលើកទី២៕

ប្រែសម្រួល៖ស៊ុនលី

To Top