បរទេស ៖ យោងតាមការចេញ ផ្សាយរបស់ RT នាយករដ្ឋមន្ត្រីឥណ្ឌា Narendra Modi និងប្រធានទីប្រឹក្សារដ្ឋាភិបាល បណ្តោះអាសន្នរបស់បង់ក្លាដែស លោក Muhammad Yunus បានប្តេជ្ញាចិត្តក្នុងកិច្ចសហប្រតិបត្តិការដ៏រីកចម្រើនរវាងគ្នា ខណៈដែលពួកគេបានរៀបចំកិច្ច ប្រជុំទ្វេភាគីជាលើកដំបូង ចាប់តាំងពីការផ្លាស់ប្តូរ រដ្ឋាភិបាលនៅទីក្រុង Dhaka ។
ទំនាក់ទំនងរវាងប្រទេសជិត ខាងអាស៊ីខាងត្បូង ទាំងពីរមានភាពតានតឹង ចាប់តាំងពីអតីតនាយករដ្ឋមន្ត្រីបង់ក្លាដែស Sheikh Hasina ត្រូវបានបង្ខំ ឱ្យលាលែងពីតំណែង កាលពីខែសីហាឆ្នាំមុន បន្ទាប់ពីមានការតវ៉ាដ៏ធំ។
ក្នុងអំឡុងពេលកិច្ចប្រជុំរបស់ពួកគេ កាលពីថ្ងៃសុក្រនៅខាងក្រៅ កិច្ចប្រជុំកំពូល BIMSTEC (Bay of Bengal Initiative for Multi-Sectoral Technical and Economic Cooperation) នៅទីក្រុងបាងកក លោក Modi បានបង្ហាញពី បំណងប្រាថ្នារបស់ឥណ្ឌាក្នុងការ បង្កើតទំនាក់ទំនងវិជ្ជមាន និងស្ថាបនាជាមួយបង់ក្លាដែស ដោយផ្អែកលើការអនុវត្ត ជាក់ស្តែងឡើងវិញ។
ប៉ុន្តែយ៉ាងណាក៏ដោយ លោកបានគូសបញ្ជាក់ថា ៖ វោហាសាស្ត្រដែលធ្វើឲ្យប៉ះពាល់ដល់មជ្ឈដ្ឋាន គឺត្រូវបានជៀសវាងបានល្អបំផុតនេះបើយោងតាមការ បញ្ជាក់បន្ថែម ដោយក្រសួងការបរទេសឥណ្ឌា នៅក្នុងសេចក្តីថ្លែងការណ៍មួយបន្ទាប់ពីកិច្ចពិភាក្សា ។
លោក Modi ក៏បានកត់សម្គាល់ផងដែរ នូវផ្នែកនៃការព្រួយបារម្ភ ដូចជាការឆ្លង កាត់ព្រំដែនខុសច្បាប់ និងសិទ្ធិជនជាតិ ភាគតិច ដោយបានរំលឹកឡើងវិញ ពីការព្រួយបារម្ភរបស់ ឥណ្ឌាចំពោះ សុវត្ថិភាព និងសន្តិសុខរបស់ជនជាតិ ភាគតិចក្នុងប្រទេសបង់ក្លាដែស រួមទាំងអ្នកកាន់សាសនាហិណ្ឌូដែរ៕
ប្រែសម្រួល៖ស៊ុនលី
