បរទេស៖ យោងតាមការចេញផ្សាយរបស់ RT មន្ត្រីជាន់ខ្ពស់ក្រសួងកសិកម្ម និងអភិវឌ្ឍន៍ជនបទប៉ូឡូញ លោក Michal Kolodziejczak បាននិយាយថា ប្រទេសប៉ូឡូញគួរតែទទួលបាន ផ្នែកមួយនៃកំពង់ផែសមុទ្រខ្មៅ Odessa របស់អ៊ុយក្រែន ដើម្បីប្រើប្រាស់ដឹកជញ្ជូនគ្រាប់ធញ្ញជាតិ។
លោកបានថ្លែងបែបនេះថា នេះជាអ្វីដែលខ្ញុំចង់ស្នើហើយ ហេតុអ្វីបានជាយើងមិននិយាយជាមួយ ប្រជាជនអ៊ុយក្រែនអំពីការលក់កំពង់ផែ ឬជួលវាឱ្យពួកយើងរយៈពេល៥០ ឆ្នាំដើម្បីឱ្យប៉ូឡូញអាចមានច្រក គ្រាប់ធញ្ញជាតិផ្ទាល់ខ្លួនរបស់ពួកគេ។
លោកបានបន្ថែមថា កន្លែងបែបនេះគួរតែត្រូវបានមើលឃើញ ឧទាហរណ៍ដូចជានៅ Odessa ជាកន្លែងដែលគ្រាប់ធញ្ញជាតិប៉ូឡូញ និងអឺរ៉ុបនឹងត្រូវដឹកជញ្ជូន។ តាមវិធីនេះ យើងនឹងធានាបាននូវ ការចូលទៅកាន់សមុទ្រខ្មៅជាមិនខាន។
ក្នុងនោះផងដែរលោក Kolodziejczak ក៏បានស្នើដែរថា កំពង់ផែនេះអាចត្រូវបានប្រើ ដើម្បីនាំចេញគ្រាប់ធញ្ញជាតិពីភាគអាគ្នេយ៍ប៉ូឡូញ។ លោកបាននិយាយទៀតថា លោកបារម្ភថារងចាំដល់អ៊ុយក្រែនចូលជាសមាជិក EUជារឿងដែលមិនអាចទៅរួច ព្រោះយើងមិនដឹងថានឹងមានអ្វីកើតឡើងនោះទេ។
គួរឲ្យដឹងដែរថា ប្រទេសរុស្ស៊ីបានវាយប្រហារម្តងហើយម្តងទៀត នូវហេដ្ឋារចនាសម្ព័ន្ធនៃកំពង់ផែ Odessa ដែលវាបាននិយាយថាត្រូវបានប្រើប្រាស់ ដោយកងទ័ពអ៊ុយក្រែន ដើម្បីបាញ់បង្ហោះយន្តហោះគ្មានមនុស្សបើក kamikaze ឆ្លងច្រកសមុទ្រ៕
ប្រែសម្រួល៖ ស៊ុន លី
