ព្រុចសែល៖ សហភាពអឺរ៉ុប កំពុងរៀបំពន្ធគយ ២៥ ភាគរយលើផលិតផលអាមេរិក ដែលបានជ្រើសរើសជាការឆ្លើយតបទៅនឹងការសម្រេចចិត្ត នាពេលថ្មីៗនេះរបស់ប្រធានាធិបតីអាមេរិកលោក ដូណាល់ ត្រាំ ក្នុងការយកពន្ធលើដែកថែប និងអាលុយមីញ៉ូមរបស់អឺរ៉ុប នេះបើតាមការរាយការណ៍ពីទីភ្នាក់ងារសារព័ត៌មាន Reuters និង Bloomberg ដោយដកស្រង់ឯកសារផ្ទៃក្នុងមួយ ដែលបានចែករំលែកជាមួយរដ្ឋជាសមាជិកសហភាពអឺរ៉ុប។
ផ្នែកមួយនៃពន្ធសងសឹកត្រូវបានកំណត់ឱ្យចូលជាធរមាននៅថ្ងៃទី ១៦ ខែឧសភា នេះបើយោងតាម Reuters ។ ទំនិញទាំងនោះមានលក្ខណៈទូលំទូលាយ ហើយរួមមាន ពេជ្រ ស៊ុត សាច់ក្រក និងបសុបក្សី ហើយរបស់ដែលស្ថិតក្រោមការពិចារណាពីមុនគឺ ស្រា និងទឹកដោះគោ ត្រូវបានដកចេញពីបញ្ជីចុងក្រោយ ។
កាលពីព្រឹកថ្ងៃចន្ទ ស្នងការអឺរ៉ុបទទួលបន្ទុកពាណិជ្ជកម្ម និងសន្តិសុខសេដ្ឋកិច្ច លោក Maros Sefcovic បានបញ្ជាក់ថា បញ្ជីនៃវិធានការតបតនឹង ត្រូវផ្សព្វផ្សាយទៅកាន់ប្រទេសជាសមាជិកសហភាពអឺរ៉ុប។ ការបោះឆ្នោតលើសំណុំវិធានការសងសឹកលើកទីមួយ គ្រោងនឹងធ្វើឡើងនៅថ្ងៃទី ៩ ខែមេសា ដោយមានការរំពឹងទុកនៅថ្ងៃទី ១៥ ខែមេសា។
ខណៈពេលដែលនិយាយថា ការពេញចិត្តរបស់សហភាពអឺរ៉ុបសម្រាប់ការចរចាលោក Sefcovic បានសង្កត់ធ្ងន់លើការត្រៀមខ្លួនរបស់ប្លុកដើម្បីដាក់ពង្រាយ “រាល់ឧបករណ៍” ដើម្បីការពារខ្លួនពីផលប៉ះពាល់នៃ ពន្ធគយរបស់សហរដ្ឋអាមេរិក គួរតែការចរចារបែកបាក់។
លោកបានលើកឡើងថា “យើងត្រូវបានរៀបចំ ដើម្បីប្រើគ្រប់ឧបករណ៍នៅក្នុងឃ្លាំងអាវុធការពារពាណិជ្ជកម្មរបស់យើង ដើម្បីការពារទីផ្សារតែមួយ របស់សហភាពអឺរ៉ុប អ្នកផលិតសហភាពអឺរ៉ុប និងអ្នកប្រើប្រាស់សហភាពអឺរ៉ុប” ៕
ប្រែសម្រួល ឈូក បូរ៉ា
