ព័ត៌មានអន្តរជាតិ

ឥណ្ឌាបិទ គណនេយ្យ បណ្តាញសង្គម របស់បុគ្គលល្បីៗ របស់ប្រទេសប៉ាគីស្ថាន ក្នុងពេលភាពតាន តឹងកំពុងបន្ត

RT News

បរទេស ៖ យោងតាមការចេញផ្សាយរបស់ RT គណនីប្រព័ន្ធផ្សព្វផ្សាយ សង្គមរបស់តារា សម្តែងប៉ាគីស្ថាន អត្តពលិក និងសារព័ត៌មានជាច្រើន នៅក្នុងប្រទេសឥណ្ឌា ត្រូវបានគេរាយការណ៍ថា ត្រូវបានបិទ ចំពេលមានភាពតានតឹង ដែលកំពុងបន្ត រវាងប្រទេសជិត ខាងទាំងពីរ បន្ទាប់ពីការវាយប្រហារ ភេរវកម្មដ៏សាហាវនៅ Jammu និង Kashmir ដែលគ្រប់គ្រង ដោយឥណ្ឌា ។

ក្នុងនោះគេសង្កេតឃើញ មានទាំងម្ចាស់ជើងឯក javelin អូឡាំពិកប៉ាគីស្ថាន Arshad Nadeem គឺជាបុគ្គល សាធារណៈចុងក្រោយគេ ដែលត្រូវបានហាមឃាត់គណនី Instagram របស់គាត់ នេះបើយោង តាមប្រព័ន្ធ ផ្សព្វផ្សាយឥណ្ឌា ។
ដោយឡែកវេបសាយ របស់អត្តពលិកនៅលើវេទិកានេះ មិនអាចចូលប្រើបានទៀតទេ ពីប្រទេសឥណ្ឌានៅថ្ងៃទី១ ខែឧសភា ហើយ Instagram បាននិយាយថា ខ្លួនបានអនុវត្ត តាមសំណើផ្លូវច្បាប់ ដើម្បីដាក់កម្រិតមាតិកា នេះដោយសារវាកំពុង ប្រឆាំងនឹងច្បាប់ក្នុងស្រុក។ Nadeem គឺជាអ្នក ដែលបានផ្តួលកីឡាករ Neeraj Chopra របស់ឥណ្ឌាក្នុងវគ្គផ្តាច់ព្រ័ត្រ ផ្នែកបុរសនៅកីឡា អូឡាំពិកទីក្រុងប៉ារីសឆ្នាំ២០២៤។

មុននោះបន្តិចផងដែរ ប៉ុស្តិYouTube របស់អតីតកីឡាករ កីឡាគ្រីឃីតប៉ាគីស្ថាន Shoaib Akhtar និង Basit Ali ត្រូវបានហាមឃាត់ នៅក្នុងប្រទេសឥណ្ឌា ផងដែរសម្រាប់ហេតុផល សុវត្ថិភាព ។

តារាល្បីប៉ាគីស្ថានដែលទទួលបានការគាំទ្រ ខ្លាំងក្នុងប្រទេសឥណ្ឌា បានជួបប្រទះការរឹតបន្តឹងស្រដៀងគ្នានេះដែរ។ ក្នុង​ចំណោម​អ្នក​ដែល​ទំព័រ Instagram ត្រូវ​បាន​បិទ​នោះក៏​មាន​តារា​សម្ដែង Mahira Khan និង Ali Zafar ដែល​បាន​បង្ហាញ​ខ្លួន​ក្នុង​ភាពយន្ត​បូលីវូដ​ជា​ច្រើនដែរ ៕

ប្រែសម្រួល៖ស៊ុនលី

To Top