តូក្យូ៖ នាយករដ្ឋមន្ត្រីជប៉ុនលោក Shigeru Ishiba បានឲ្យដឹងថា ប្រទេសជប៉ុន នឹងមិនលះបង់ផលប្រយោជន៍ជាតិរបស់ខ្លួន ដើម្បីបញ្ចប់ការចរចារពន្ធ ដែលកំពុងបន្តជាមួយសហរដ្ឋអាមេរិក បន្ទាប់ពីបញ្ចប់ការចរចា ថ្នាក់រដ្ឋមន្ត្រីមួយផ្សេងទៀត។
លោក Ishiba បានប្រាប់អ្នកសារព័ត៌មានថា កិច្ចពិភាក្សាគឺ “វិជ្ជមាន និងស្ថាបនា” ប៉ុន្តែនៅតែមានចន្លោះប្រហោងរវាងប្រទេសទាំងពីរ ដោយបន្ថែមថា “កិច្ចខិតខំប្រឹងប្រែងជាអតិបរមា គឺចាំបាច់ពីភាគីទាំងពីរ ដើម្បីឈានដល់កិច្ចព្រមព្រៀងណាមួយ។
ក្នុងអំឡុងពេលកិច្ចប្រជុំប្រហែល ២ម៉ោងនៅទីក្រុងវ៉ាស៊ីនតោនជាមួយមន្ត្រីសហរដ្ឋអាមេរិករួមទាំងរដ្ឋមន្ត្រីក្រសួងរតនាគារលោក Scott Bessent អ្នកចរចាកំពូលរបស់ជប៉ុនលោក Ryosei Akazawa បានអំពាវនាវឱ្យពិនិត្យឡើងវិញនូវគោលនយោបាយពន្ធគយដែលធ្វើឡើងដោយប្រធានាធិបតីលោក ដូណាល់ ត្រាំ ។
យោងតាមប្រភពរដ្ឋាភិបាលជប៉ុន ទីក្រុងវ៉ាស៊ីនតោន ស្ទាក់ស្ទើរក្នុងការលើកលែងប្រទេសជប៉ុនពីការយកពន្ធខ្ពស់លើការនាំចូលរថយន្ត ក៏ដូចជាពន្ធមូលដ្ឋាន ១០ភាគរយដែលបានអនុវត្តចំពោះប្រទេស និងតំបន់ជាច្រើន។
ខណៈដែលមិនទាន់ មានកិច្ចព្រមព្រៀងសំខាន់ណាមួយត្រូវបានសម្រេច រដ្ឋមន្ត្រី បានយល់ស្របថាការចរចាមួយទៀតនឹងត្រូវធ្វើឡើងចាប់ពីពាក់កណ្តាលខែឧសភាតទៅនេះបើយោង តាមលោក Akazawa ដែលមានតួនាទីជារដ្ឋមន្ត្រីស្តារ សេដ្ឋកិច្ចឡើងវិញរបស់ជប៉ុន៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
