បរទេស៖ កុមារ ៥ នាក់មកពីគ្រួសារ តែមួយនៅក្នុងខេត្ត Phetchabun ប្រទេសថៃ គឺ ត្រូវបានដាក់ឱ្យ នៅក្នុងការថែទាំ ការពារ បន្ទាប់ពីមានរបាយការណ៍ថា ពួកគេត្រូវបានគេប្រើប្រាស់ ក្នុងការផលិតវីដេអូ អាសអាភាសលក់ តាមរយៈក្រុមជជែកតាម Line ។ ករណីនេះផ្តោតលើ ម្តាយអាយុ ៣៤ ឆ្នាំដែលមានកូនសរុប ៩ នាក់។
យោងតាមសារព័ត៌មាន RT ចេញផ្សាយកាលពីថ្ងៃទី១៤ ខែឧសភា ឆ្នាំ២០២៥ បានឱ្យដឹងថា មូលនិធិ ប៉ែន នឿង សហការជាមួយជម្រកកុមារ និងគ្រួសារ Phetchabun បានធ្វើអន្តរាគមន៍បន្ទាប់ពី ទទួលបានបណ្តឹងពីសាធារណជន។
កុមារទាំងប្រាំនាក់ ដែលមានអាយុក្រោម ១៨ ឆ្នាំទាំងអស់ ត្រូវបានដកចេញ ពីគ្រួសារជាបន្តបន្ទាប់ ហើយត្រូវបាន បញ្ជូន ទៅមន្ទីរពេទ្យដើម្បីពិនិត្យរាងកាយ។ វាត្រូវបានចោទប្រកាន់ថា បងស្រីច្បងបានដើរតួ ជាអ្នកជ្រើសរើស ដោយអញ្ជើញមនុស្ស ឱ្យទិញវីដេអូ។
ឪពុកបានបដិសេធការចោទប្រកាន់នេះ ដោយអះអាងថា វីដេអូឃ្លីបនោះត្រូវ បានគេប្រើជាឌីជីថល។ ទន្ទឹមនឹងនោះ ស្ត្រីជាម្តាយបានទទូចថា កូនស្រីរបស់គាត់ត្រូវបានជនខិលខូច លួចថតវីដេអូចាស់ៗ ដើម្បីបង្កើតរឿងមិនពិត។ កូនស្រីច្បងដំបូងបានបដិសេធថា មិនជាប់ពាក់ព័ន្ធអ្វីទេ ប៉ុន្តែក្រោយមកបានសារភាព នៅពេលប្រឈមមុខនឹងភស្តុតាង។
ពេលនេះប៉ូលិសកំពុងតាមដានលុយនិង ពិនិត្យមើលឯកសារវីដេអូ៕
