បរទេស ៖ សមាគមក្រុមហ៊ុនផលិត រថយន្តវៀតណាម (VAMA) បាននិយាយកាលពីថ្ងៃទី ១៣ ខែឧសភាថា សមាជិករបស់ខ្លួន បានរាយការណ៍ ពីការលក់ចំនួន ២៩.៥៨៥ គ្រឿងក្នុងខែមេសា ធ្លាក់ចុះ ៧ភាគរយ ប៉ុន្តែកើនឡើង ២១ភាគរយ ធៀបទៅនឹងឆ្នាំមុន។
យោងតាមសារព័ត៌មាន VN Express ចេញផ្សាយនៅ ថ្ងៃទី១៥ ខែឧសភា ឆ្នាំ២០២៥ បានឱ្យដឹងថា ជាពិសេស ពួកគេបានរាយការណ៍ ពីការលក់រថយន្តដឹកអ្នកដំណើរ ២០.៧៦៦ គ្រឿង ធ្លាក់ចុះ ៧ភាគរយ ពីខែមីនា។ រថយន្តផ្នែកពាណិជ្ជកម្មចំនួន ៨.៦១៩ គ្រឿង ធ្លាក់ចុះ ភាគរយ និងរថយន្តពិសេសចំនួន ២០០ គ្រឿងទៀត កើនឡើង ១១ភាគរយ។
រថយន្តដែលបានដំឡើង ក្នុងស្រុកបានកាត់បន្ថយ ៧ភាគរយ ជាមួយនឹងការដឹកជញ្ជូនចំនួន ១៣.៨៩០ គ្រឿង ខណៈដែលការនាំចូល រថយន្តដែលផលិតឡើងទាំងស្រុង (CBU) របស់វៀតណាមឃើញថា ការលក់ធ្លាក់ចុះ ៦០ភាគរយ មកនៅត្រឹម ១៥.៦៩៥ គ្រឿង។
ក្រុមហ៊ុន Toyota បានរក្សាភាពជាអ្នកដឹកនាំទីផ្សាររបស់ខ្លួនជាមួយនឹងចំនួន ៥.៥៦៦ គ្រឿងដែលបានលក់ក្នុងខែមេសា បន្ទាប់មកគឺ Ford (៣.៩៩៧គ្រឿង), Mitsubishi (២.០៣៨គ្រឿង), THACO Mazda (២.៧៣៦គ្រឿង) និង THACO Kia (២.០៥៥គ្រឿង)។ ម៉ូដែលដែលលក់ដាច់ជាងគេរួមមាន Mitsubishi Xpander (៤.០៣១ គ្រឿង), Ford Everest (១.០៩០គ្រឿង) និង Toyota Yaris Cross (១.០៣០គ្រឿង)៕
