ប៊ែរឡាំង៖ អធិការបតីអាល្លឺម៉ង់ លោក Friedrich Merz បានច្រានចោល នូវលទ្ធភាពនៃការចាប់ផ្តើមឡើងវិញនូវ ប្រតិបត្តិការបំពង់បង្ហូរឧស្ម័នធម្មជាតិ Nord Stream 2 ដ៏ចម្រូងចម្រាស។
នៅក្នុងបទសម្ភាសន៍ថ្មីៗនេះជាមួយប្រព័ន្ធផ្សព្វផ្សាយអាល្លឺម៉ង់ Die Zeit ដែលត្រូវបានចេញផ្សាយកាលពីថ្ងៃព្រហស្បតិ៍លោក Merz ត្រូវបានចោទសួរអំពីអនាគតនៃបំពង់បង្ហូរប្រេង ជាពិសេសនៅក្នុងពន្លឺនៃការសម្រេចចិត្តរបស់តុលាការស្វីសនាពេលថ្មីៗនេះ ដែលបានរារាំងប្រតិបត្តិករ Nord Stream 2 ពីការក្ស័យធន ដោយទ្រឹស្តីថា អាចរក្សាប្រតិបត្តិការបាន។
អធិការបតីថ្មីអាល្លឺម៉ង់រូបនេះ បានលើកឡើងថាបំបង់ប្រេង Nord Stream 2 បច្ចុប្បន្នមិនមានការអនុញ្ញាតិប្រតិបត្តិការនោះទេ ហើយវាមិនគួរផ្លាស់ប្តូរនោះទេ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
បំពង់បង្ហូរប្រេង Nord Stream 2 ដំណើរការនៅក្រោមសមុទ្របាល់ទិកពីប្រទេសរុស្ស៊ីទៅកាន់ប្រទេសអាល្លឺម៉ង់។ វាត្រូវបានបញ្ចប់ ប៉ុន្តែមិនដែលអាចដំណើរការបាននោះទេ បន្ទាប់ពីអាល្លឺម៉ង់បានបញ្ឈប់ដំណើរការបញ្ជាក់របស់ខ្លួនបន្ទាប់ពីមានជម្លោះនៅអ៊ុយក្រែន។
នៅខែកញ្ញា ឆ្នាំ២០២២ ការផ្ទុះនៅក្រោមទឹកបានកើតឡើងនៅលើបំពង់ Nord Stream 1 និង Nord Stream 2 ដែលបណ្តាលឱ្យមានការលេចធ្លាយដ៏ធំ ដែលធ្វើអោយខ្សែបំពង់បីក្នុងចំណោមបួន មិនអាចដំណើរការបាន ហើយវាបានផ្អាកដំណើរការរហូតមកដល់ពេលនេះ៕
ប្រែសម្រួល ឈូក បូរ៉ា
