តូក្យូ៖ នាយករដ្ឋមន្ត្រីជប៉ុន លោក Shigeru Ishiba បានបណ្តេញរដ្ឋមន្ត្រីកសិកម្ម លោក Taku Eto ចេញពីតំណែង ជុំវិញការលើកឡើងដ៏ចម្រូងចម្រាសមួយ ដែលបានបង្កឱ្យមានការខឹង សម្បារជាសាធារណៈ ចំពេលតម្លៃស្រូវកើនឡើង ដោយបានដោះស្រាយនូវផលប៉ះពាល់ថ្មី ដល់មេដឹកនាំរដ្ឋាភិបាលភាគតិច ដែលមិនមានប្រជាប្រិយរួចទៅហើយ នៅមុនការបោះឆ្នោតសភា ។
លោក Ishiba បានជ្រើសរើសអតីតរដ្ឋមន្ត្រីក្រសួងបរិស្ថាន លោក Shinjiro Koizumi អាយុ ៤៤ ឆ្នាំ ជារដ្ឋមន្រ្តីកសិកម្មថ្មី ដោយនាំមកនូវឈាមអ្នកនយោបាយ និង ប្រព័ន្ធផ្សព្វផ្សាយដ៏ពេញនិយម ដែលបានចាញ់ក្នុងការប្រជែងតំណែង ប្រធានាធិបតី របស់គណបក្សប្រជាធិបតេយ្យ សេរីកាលពីឆ្នាំមុន នេះបើយោងតាមការចុះផ្សាយ របស់ទីភ្នាក់ងារ សារព័ត៌មានក្យូដូជប៉ុន។
លោក Eto បានក្លាយជាសមាជិកគណៈរដ្ឋមន្ត្រីដំបូង របស់លោក Ishiba ដែលបានលាលែងពីតំណែង។ ការបណ្តេញចេញដោយប្រសិទ្ធភាព របស់លោក បានកើតឡើង ខណៈដែលលោកនាយករដ្ឋមន្ត្រី ទំនងជាបានទទួលសម្ពាធ ពីក្រុមប្រឆាំងបន្ទាប់ពីព្យាយាមរក្សាលោកពីដំបូង។ សមាជិកសភាបក្សប្រឆាំង បានរិះគន់ចំណាត់ការនេះថា “យឺតពេល” ដែលបង្កើនសម្ពាធកាន់តែខ្លាំងលើមេដឹកនាំ ដែលកំពុងប្រឈមមុខ។
សម្រាប់ផ្នែក របស់លោកវិញលោក Ishiba បានទទួលស្គាល់ការទទួលខុសត្រូវផ្ទាល់ខ្លួនរបស់លោក សម្រាប់ការជ្រើស រើសលោក Eto អាយុ ៦៤ ឆ្នាំដោយថា “ខ្ញុំនឹងទទួលយកការរិះគន់ទាំងអស់” ។ លោកក៏បានសម្តែងក្តីសង្ឃឹមថា លោក Koizumi ដែលត្រូវបានគេជឿថា មានជំនាញក្នុងគោល នយោបាយកសិកម្ម នឹងជួយទទួលបានទំនុកចិត្ត ពីសាធារណជនឡើងវិញ។
បញ្ហាគឺការកត់សម្គាល់ របស់លោក Eto នៅក្នុងព្រឹត្តិការណ៍រៃអង្គាស ប្រាក់ចុងសប្តាហ៍ដែលថា លោកទទួលបានអង្ករ យ៉ាងច្រើនពីអ្នកគាំទ្រ ដែលលោក “មិនបានទិញណាមួយនោះទេ” ដែលធ្វើឱ្យមានការ ស្តីបន្ទោសយ៉ាងខ្លាំង ពីអ្នកប្រើប្រាស់ និងសមាជិកសភាថា មិនយល់ស្របនៅពេលដែលអតិផរណា បានលើសពីកំណើនប្រាក់ឈ្នួល៕
ប្រែសម្រួល ឈូក បូរ៉ា
