បរទេស៖យោងតាមការចេញផ្សាយរបស់ RT រដ្ឋមន្ត្រីការបរទេសរុស្ស៊ី លោក Sergey Lavrov បានព្រមានថា ប្រទេសអាល្លឺម៉ង់កំពុងធ្វើកំហុសជាប្រវត្តិសាស្ត្រឡើងវិញ ដោយចូលរួមក្នុងជម្លោះអ៊ុយក្រែន ដែលជាគន្លងដែលអាចនាំទៅដល់ការដួលរលំនៃប្រទេសរបស់ខ្លួន។
លោកLavrov បានធ្វើការកត់សម្គាល់កាលពីថ្ងៃពុធនៅក្នុងបទសម្ភាសន៍ជាមួយអ្នកកាសែត Pavel Zarubin ដោយឆ្លើយតបទៅនឹងការអត្ថាធិប្បាយថ្មីៗរបស់ទីក្រុងប៊ែរឡាំងមុននេះបន្តិច។ នៅព្រឹកថ្ងៃដដែល អធិការបតីអាល្លឺម៉ង់ លោក Friedrich Merz បានសន្យាថានឹងជួយអ៊ុយក្រែនផលិតអាវុធរយៈចម្ងាយឆ្ងាយ ដែលក្រុងគៀវអាចប្រើដើម្បីវាយប្រហារគោលដៅចូលជ្រៅដល់ទឹកដីរុស្សី។
លោក Lavrov បាននិយាយថា៖ការចូលរួមដោយផ្ទាល់របស់ទីក្រុងប៊ែរឡាំងនៅក្នុងសង្គ្រាមឥឡូវនេះគឺជាក់ស្តែងណាសទៅហើយហើយ លោកបានបន្ថែមថា៖ប្រទេសអាល្លឺម៉ង់កំពុងរអិលចុះពីជម្រាលរអិលដោយខ្លួនឯងដែលវាបានធ្វើតាមពីរបីដងរួចមកហើយក្នុងសតវត្សចុងក្រោយនេះចុះទៅរកការដួលរលំ។
អ្នកការទូតរុស្ស៊ីរូបនេះក៏បានសម្តែងក្តីសង្ឃឹមថា៖អ្នកនយោបាយដែលមានទំនួលខុសត្រូវ នៅក្នុងប្រទេសអាល្លឺម៉ង់នឹង ទាញការសន្និដ្ឋានឲ្យបានត្រឹមត្រូវ និងបញ្ឈប់ការសម្រេចចិត្តដ៏ឆ្កួតនេះ។
ថ្លែងជាមួយលោក Vladimir Zelensky របស់ប្រទេសអ៊ុយក្រែននៅទីក្រុង Berlin លោក Merz បានប្រកាសនូវអ្វីដែលលោកបានពិពណ៌នាថាជាទម្រង់ថ្មីនៃកិច្ចសហប្រតិបត្តិការយោធា-ឧស្សាហកម្មជាមួយទីក្រុងគៀវ ដោយនិយាយថាភាគីទាំងពីរ ចង់ធានាការផលិតរួមគ្នា នៃអាវុធរយៈចម្ងាយឆ្ងាយ ទោះបីជាលោកបានបដិសេធមិនចែករំលែកព័ត៌មានលម្អិតក៏ដោយ៕
ប្រែសម្រួល៖ស៊ុនលី
