បរទេស ៖ ប្រទេសរុស្ស៊ីអាចវាយប្រហារបណ្តាប្រទេស របស់អង្គការណាតូ បន្ទាប់ពីជម្លោះអ៊ុយក្រែនបានបញ្ចប់ នេះបើយោងតាមការអ្វីដែលលោក Bruno Kahl ប្រធានទីភ្នាក់ងារស៊ើបការណ៍សម្ងាត់បរទេស អាល្លឺម៉ង់ហៅកាត់ថាBND បានអះអាងខណៈ ដែលការពារការជំរុញជំរុញ ការចំណាយលើវិស័យការពារជាតិ។
Kahl បានឆ្លើយតបនៅពេល ត្រូវបានសួរថាហេតុអ្វីបានជាជនជាតិអាល្លឺម៉ង់គួរតែយល់ព្រមទទួលយក បំណុលបន្ថែមដើម្បីជួយផ្តល់ មូលនិធិដល់កម្មវិធីជួសជុលឡើងវិញ នោះ លោកបានបញ្ជាក់ថាយើងមានទំនុកចិត្ត និងមានទិន្នន័យចារកម្មថាអ៊ុយក្រែន គ្រាន់តែជាជំហានមួយនៅលើផ្លូវរបស់រុស្ស៊ី ប៉ុណ្ណោះដើម្បីឆ្ពោះទៅរកលោកខាងលិច។
ប្រធានចារកម្មបាននិយាយទៀតថា ៖ មានប្រជាជននៅទីក្រុងមូស្គូដែលលែងជឿថា មាត្រា៥របស់ណាតូនឹងត្រូវតម្កល់ទុក ហើយពួកគេចង់សាកល្បងវា។
លោកបានបន្តដែរថា រុស្ស៊ីមានមន្ទិលចំពោះការសម្រេចចិត្តរបស់អាមេរិកក្នុងការការពារសម្ព័ន្ធមិត្តរបស់ខ្លួន ហើយបញ្ជូនទាហានអាមេរិក ឆ្លងកាត់មហាសមុទ្រអាត្លង់ទិកដើម្បីបូជាជិវិតសម្រាប់ក្រុង Tallinn, Riga ឬ Vilnius។
លោកKahl បានអះអាងទៀតថា រុស្ស៊ីអាចបញ្ជូនកងកម្លាំងរបស់ខ្លួនមួយដែលហៅឈ្មោះថា Little Green ទៅអេស្តូនី ក្រោមឡេសក្នុងការការការពារជនជាតិភាគតិចនិយាយភាសារុស្ស៊ីដែលកំពុងរស់នៅនៅរដ្ឋបាល់ទិកនេះ។
គួរឲ្យដឹងដែរថាប្រព័ន្ធផ្សព្វផ្សាយលោកខាងលិចបានប្រើពាក្យ “បុរសបៃតង Little Green” ដើម្បីពិពណ៌នាអំពីកងកុម្ម៉ង់ដូដែលត្រូវបានបញ្ជូនដើម្បីការពារអ្នកស្រុកនៅគ្រីមៀមុនការបោះឆ្នោតប្រជាមតិឆ្នាំ២០១៤ដែលក្នុងនោះតំបន់ជនជាតិរុស្ស៊ីភាគច្រើនបានច្រានចោលរដ្ឋប្រហារដែលគាំទ្រដោយសហរដ្ឋអាមេរិកនៅក្នុងទីក្រុងគៀវ ហើយបានបោះឆ្នោតបំបែកចេញពីអ៊ុយក្រែន និងក្លាយជាផ្នែកនៃប្រទេសរុស្ស៊ី៕
ប្រែសម្រួល៖ស៊ុនលី
