អតីតប្រធានាធិបតីអាហ្សង់ទីន ត្រូវបានតុលាការកំពូល តម្កល់ការកាត់ទោសឱ្យជាប់ពន្ធនាគាររយៈពេល ៦ឆ្នាំដដែល ពីបទពុករលួយ

បរទេស៖ តុលាការកំពូលរបស់ប្រទេសអាហ្សង់ទីន បានតម្កល់ការកាត់ទោសដាក់ពន្ធនាគាររយៈពេលប្រាំមួយឆ្នាំ សម្រាប់អតីតប្រធានាធិបតី គឺលោកស្រី Cristina Fernández de Kirchner នៅក្នុងសេចក្តីសម្រេចកាលពីថ្ងៃអង្គារ ដែលបានហាមឃាត់លោកស្រីពីមុខតំណែងសាធារណៈជាអចិន្ត្រៃយ៍ ជុំវិញការផ្តន្ទាទោសពីបទពុករលួយដែលបានរកឃើញថា លោកស្រីបានឱ្យកិច្ចសន្យារបស់រដ្ឋទៅមិត្តម្នាក់ ខណៈពេលដែលលោកស្រីជាស្ត្រីទីមួយ និងជាប្រធានាធិបតីអាហ្សង់ទីន។

យោងតាមសារព័ត៌មាន AP ចេញផ្សាយនៅថ្ងៃទី១១ ខែមិថុនា ឆ្នាំ២០២៥ បានឱ្យដឹងថា តុលាការបានស្នើឱ្យក្រសួងសន្តិសុខរបស់ប្រទេសអាហ្សង់ទីន បង្កើតមជ្ឈមណ្ឌលឃុំឃាំងដើម្បីឃុំខ្លួនលោកស្រី Fernández អាយុ ៧២ ឆ្នាំ។ មេធាវីការពារក្តីរបស់លោកស្រី គឺលោក Carlos Beraldi បានប្រាប់ C5N ដែលជាស្ថានីយ៍ទូរទស្សន៍ក្នុងទីក្រុង Buenos Aires ថា លោកបានស្នើសុំឱ្យលោកស្រី Fernandez ត្រូវអនុញ្ញាតឱ្យបម្រើការកាត់ទោស ដោយឃុំឃាំងក្នុងផ្ទះដោយសារអាយុរបស់លោកស្រី។

ការកាន់អំណាចបានរារាំងលោកស្រី Fernández មិនឱ្យឈរឈ្មោះក្នុងការបោះឆ្នោតនីតិបញ្ញត្តិក្នុងទីក្រុង Buenos Aires ក្នុងរដូវស្លឹកឈើជ្រុះនេះ ប៉ុន្មានថ្ងៃបន្ទាប់ពីលោកស្រីបានចាប់ផ្តើមយុទ្ធនាការរបស់លោកស្រី។

Fernández ដែលបានគ្រប់គ្រងនយោបាយអាហ្សង់ទីនអស់រយៈពេលពីរទសវត្សរ៍ និងបានបង្កើតចលនាប្រជានិយមឆ្វេងនិយមដ៏សំខាន់របស់ប្រទេសដែលគេស្គាល់ថាជា Kirchnerism បន្ទាប់ពីលោកស្រី និងស្វាមីដែលជាអតីតប្រធានាធិបតី Néstor Kirchner ច្រានចោលការចោទប្រកាន់នេះថាជាហេតុផលនយោបាយ៕

ប្រែសម្រួលៈ ណៃ តុលា