បរទេស ៖ យោងតាមការចេញផ្សាយរបស់ RT ប្រធានាធិបតី អាមេរិក លោក Donald Trump បានព្រមានក្រុងតេហរ៉ង់ ពីការសងសឹក ក្នុងកម្រិតដែលមិនធ្លាប់មានពីមុនមក ប្រសិនបើខ្លួនសម្រេចចិត្តវាយប្រហារ អាមេរិកតាមមធ្យោបាយណាមួយ ចំពេលមានការកើនឡើង កំដៅរវាងអ៊ីរ៉ង់ និងអ៊ីស្រាអែល។
កាលពីថ្ងៃសៅរ៍ ទីភ្នាក់ងារព័ត៌មាន Fars បានរាយការណ៍ដោយដកស្រង់ ប្រភពដែលមានសិទ្ធិចូល មើលការដឹកនាំយោធានៅទីក្រុងតេហរ៉ង់ថា ការឆ្លើយតប របស់អ៊ីរ៉ង់ចំពោះការវាយប្រហាររបស់កងកម្លាំងអ៊ីស្រាអែល IDF មកលើប្រទេស នឹងរីករាលដាលដល់ គ្រប់តំបន់ដែលកាន់ កាប់ដោយរបបអ៊ីស្រាអែលនេះ និងមូលដ្ឋានទ័ពអាមេរិក ដែលពាក់ព័ន្ធនៅក្នុងតំបន់ផង ក្នុងរយៈពេលប៉ុន្មានថ្ងៃខាងមុខនេះ។
ឯកអគ្គរដ្ឋទូតរបស់ទីក្រុងតេហរ៉ង់ប្រចាំអង្គការសហប្រជាជាតិ លោក Amir Iravani បាននិយាយនៅមុននេះថា ការគាំទ្ររបស់អាមេរិក ចំពោះទីក្រុងយេរូសាឡឹមខាងលិច បានធ្វើឱ្យទីក្រុងវ៉ាស៊ីនតោន ស្មុគស្មាញក្នុងការឈ្លានពាន របស់អ៊ីស្រាអែលប្រឆាំងនឹងអ៊ីរ៉ង់។
លោក Trump បានសរសេរទៅកាន់វេទិកាសង្គម Truth Social របស់គាត់កាលពីថ្ងៃអាទិត្យ ដើម្បីព្រមានទីក្រុងតេហរ៉ង់ ដោយនិយាយថា ៖ ប្រសិនបើយើងត្រូវបានវាយប្រហារ ដោយវិធីណាមួយ រូបរាង ឬទម្រង់ដោយអ៊ីរ៉ង់ កម្លាំងនិងកម្លាំងពេញ លេញនៃកងកម្លាំង ប្រដាប់អាវុធ អាមេរិកនោះអ៊ីរ៉ង់ នឹងប្រឈមមុខទៅនឹងការសងសឹក ក្នុងកម្រិតដែលមិនធ្លាប់ មានពីមុនឡើយ។
គួរឲ្យដឹងដែរថាលោកប្រធានាធិបតី បានទទូចទៀតថា ៖ អាមេរិកនឹងមិនមានពាក់ព័ន្ធនឹងការវាយប្រហារលើអ៊ីរ៉ង់ទេ។ លោកក៏បានជំរុញឱ្យទីក្រុង តេហរ៉ង់ វិលត្រឡប់ទៅរកការទូតវិញ ដោយអះអាងថា យើងអាចទទួលបានកិច្ច ព្រមព្រៀងមួយបានយ៉ាងងាយស្រួលរវាងអ៊ីរ៉ង់ និងអ៊ីស្រាអែល ហើយបញ្ចប់ជម្លោះបង្ហូរឈាមនេះ៕
ប្រែសម្រួល៖ស៊ុនលី
