នៅថ្ងៃទី ២៣ ខែមិថុនា តាមម៉ោងក្នុងតំបន់ បន្ទាប់ពីចូលរួម ក្នុងពិធីផ្ទេរនិងទទួលតំណែង ប្រធានគណៈកម្មាធិការអូឡាំពិកអន្តរជាតិ លោក Shen Haixiong អគ្គនាយកនៃអគ្គស្ថានីយវិទ្យុ និងទូរទស្សន៍មជ្ឈិមចិន និងគណៈប្រតិភូអមដំណើរ បានជួបពិភាក្សាការងារជាមួយលោក Thomas Bach ប្រធានកិត្តិយសពេញមួយជីវិត នៃគណៈកម្មាធិការ អូឡាំពិកអន្តរជាតិ និងលោកស្រីKirsty Coventryប្រធានថ្មី នៃគណៈកម្មាធិការអូឡាំពិក អន្តរជាតិនៅទីក្រុង Lausanne ប្រទេសស្វ៊ីស ។
ភាគីទាំងពីរបានមូលមតិ ជាឯកច្ឆន្ទស្តីពីការពង្រឹងបន្ថែមទៀត នូវកិច្ចសហប្រតិបត្តិការជាយុទ្ធសាស្ត្រគ្រប់ជ្រុងជ្រោយ និងជំរុញការផ្សាយបន្តផ្ទាល់ ពីព្រឹត្តិការណ៍ប្រកួតកីឡាបែបថ្មី ។
លោក Bach បាននិយាយថា គណៈកម្មាធិការអូឡាំពិកអន្តរជាតិ ជាសាក្សីនៃការអភិវឌ្ឍ បែបលោតផ្លោះ នៃឥទ្ធិពលអន្តរជាតិរបស់អគ្គស្ថានីយវិទ្យុ និងទូរទស្សន៍មជ្ឈិមចិន។ សង្ឃឹមថាចិន នឹងបន្តចូលរួមចំណែកក្នុងការកសាងពិភពលោក ដែលកាន់តែមានសាមគ្គីភាព ។
ចំណែកលោកស្រី Kirsty Coventry បាននិយាយថា គណៈកម្មាធិការអូឡាំពិកអន្តរជាតិ ទន្ទឹងរង់ចាំធ្វើកិច្ចសហប្រតិបត្តិការ កាន់តែស៊ីជម្រៅ ជាមួយអគ្គស្ថានីយវិទ្យុ និងទូរទស្សន៍មជ្ឈិមចិន ដើម្បីរួមគ្នាជំរុញកីឡាអូឡាំពិក ឱ្យអភិវឌ្ឍប្រកបដោយគុណភាពខ្ពស់៕
